गनेश कुमार यादव
इनरुवा । सनातन संस्कृति नेपालद्वारा प्रधानमन्त्री शेर बहादुर देउवा सहित जिल्ला प्रशासन कार्यालय सुनसरीलाई ज्ञापन पत्र बुझाएको छ ।
आइतबार दिउँसो सुनसरीको प्रमुख जिल्ला अधिकारी इन्द्रदेव यादव मार्फत सनातन संस्कृति नेपालले प्रधानमन्त्री शेर बहादुर देउवा र जिल्ला प्रशासन कार्यालय सुनसरीलाई ज्ञापन पत्र बुझाएको हो ।
सुनसरीमा केही बर्षदेखी इस्लामिक मजहवका व्यक्तिहरु सुनियोजित ढंगले सनातन धर्म मान्ने नावालिक किसोरीहरुलाई विवाहको नाममा गैरकानुनी तरिकाले निकाह गरि नेपालको बहुसंख्यक हिन्दुहरुको रितिरिवाज परम्परा मान्यता विपरित गई सामाजिक व्यवस्थामा उथलपुथल भैरहेको भन्दै सनातन संस्कृति नेपालले प्रमुख जिल्ला अधिकारी यादव मार्फत प्रधानमन्त्री शेर बहादुर देउवा र जिल्ला प्रशासन कार्यालय सुनसरीलाई ज्ञापन पत्र बुझाएको सनातन संस्कृति नेपाल तथा आन्दोलन परिचालन समिति,सुनसरीका अध्यक्ष राजेश यादवले जानकारी दिए ।
नेपालको संविधानको मर्म विपरित भैरहेको गतिविधि नियन्त्रण गर्न अबिलम्ब अन्तरधार्मिक विवाहलाई रोक्न संघिय संसदमा कानुनि रुपमा बिद्येयक वा अध्यादेश मार्फत अन्तरधार्मिक विवाहमा प्रतिबन्ध लगाउने माग सहित सातवटा माग सहित ज्ञापन पत्र बुझाएको छ ।
यसैगरी सुनसरीको इनरुवामा एक हिन्दु समुदायका युवामाथी मुस्लिम समुदायका व्यक्तिहरुले संघातिक आक्रमण गरेको र मार्ने प्रयास गरेको घटनाको बारेमा जिल्ला प्रहरी कार्यालय सुनसरीले उजुरी सम्म लिन नमानेको र शान्ति,सुरक्षामा अमनचयनको वातावरण सृजना गनुपर्नेमा एकतर्फि सत्ता र शक्तिको आडमा अन्यायमा परेका नागरिकलाई न्याय त के उजुरी सम्म लिन नमानेको र अनसन्धान समेत अगाडी नबढाएको प्रति घोर आपत्ति जनाउँदै जिल्ला प्रशासन कार्यलयलाई ज्ञापन पत्र बुझाएको सनातन संस्कृति नेपाल तथा आन्दोलन परिचालन समिति,सुनसरीका अध्यक्ष यादवले जानकारी दिए ।
सत्य तथ्य बुझि आवश्यक कार्वाही अगाडी बढाई पिडितलाई न्यायको अनुभूति गराउँन प्रमुख जिल्ला अधिकारीसंग बिनम्र अनुरोध छ ।
पिडित पक्षले न्याय नपाए ,न्यायको गागि हामी थप कार्यक्रमहरु ऋगाडी बढाउने छौं भनेर उक्त ज्ञापन पत्रमा उल्लेख छ ।
प्रमुख जिल्ला अधिकारी इन्द्र देव यादव मार्फत सनातन संस्कृति नेपालले प्रधानमन्त्री शेरबहादुर देउवालाई बुझाईएको ज्ञापन पत्रमा सात वटा मागहरु यस प्रकार छन् ।
१ अन्तरधार्मिक विवाहलाई बन्देज लगाउने कानुनी व्यवस्था गर्ने ।
२ हिन्दु आयोगको व्यवस्था ।
३ सनातन धर्म सापेक्ष राष्ट्रि घोषण गर्ने ।
४ २०७४ साल देखि वेपत्ता पारिएका नावालिक चेली बेटीहरुको यथा अवस्था पत्ता लगाई दोशी उपर कठोर कार्वाही गरियोस ।
५ विवाहको हद उमेर खारेज गरियोस ।
६ नेपाल भित्र अवैध रुपमा प्रवेश गरेका विदेशी रोहिङ्गिया मुस्लिमहरुको पहिचान गरि देश निकाला गरियोस ।
७ अव उपरान्त गैरकानूनी ढंगले नेपाल भित्र बिदेशीहरु प्रवेश गर्न नपाउने व्यवस्था गरियोस ।
