इनरुवा । इनरुवा जेसीज वर्ष २०२१ का लागि अध्यक्ष पदमा संयम कोइराला निर्विरोध निर्वाचित भएका छन् ।
इनरुवा जेसीजको ३७ औं वार्षिक साधारणसभाले नयाँ नेतृत्व चयन गरेको हो । इनरुवा जेसीज २०२१ का लागि संयम कोइरालाको अध्यक्षतामा पाँच सदस्यीय समिति चयन गरेको जनाएको छ ।
जेसीजको चारजना उपाध्यक्षमा क्रमशः सत्य यादव, सञ्जय मेहता, स्वेता साह र साकार पोखरेल रहेका छन् । अन्य बाँकी रहेको पदमा पछि नियुक्त गर्ने अध्यक्ष कोइरालाले बताएका छन् ।
इनरुवा जेसीज २०२० को अध्यक्ष चन्दन यादवले जेसीजमा नेतृत्व गर्न पालैपालो दिने प्रणाली भएको हुँदा २०२१ का लागि संयम कोइरालालाई निर्विरोध निर्वाचित गरेको बताए ।
आफ्नो एक वर्ष पूरा भएकाले नेतृत्व गर्न अरुलाई दिने भएकाले ३७ औं वार्षिक उत्सवमा कोइरालालाई अध्यक्षको जिम्मेवारी दिएको यादवको भनाइ छ ।
नवनिर्वाचित कोइरालाले आफू अध्यक्ष पदमा रहेर एक वर्ष नेतृत्व इमान्दारीतापूर्वक जिम्मेवारी सम्हाल्ने बताए ।
विधिको शासन, सुशासन र पारदर्शिता लगायतको मूलमन्त्रलाई कायम गर्दै जेसीजको नेतृत्वलाई उचाइसम्म पु¥याउने लक्ष्य लिएको कोइरालाले बताए । बाँकी रहेको पदमा पछि नियुक्त गर्ने गरी कार्यसमितिलाई पूरा गर्नेसमेत बताए ।
