इनरुवा । जनता समाजवादी पार्टी जिल्ला समन्वय समिति सुनसरीको अध्यक्षमा भगीरथ खत्वेलाई चयन गरेको छ ।
जनता समाजवादी पार्टी नेपालको आन्तरीम विद्यान २०७७, समायोजन निर्देशिका २०७७ अनुसार आपसी समझदारीमा ९ पदाधिकारी सहित ९९ सदस्य रहने गरी जनता समाजवादी पार्टी जिल्ला समन्वय समिति सुनसरी समायोजन गरेको छ ।
जनता समाजवादी पार्टी नेपाल सुनसरीले पौष १० गतेको बैठकले पूर्व समाजवादी पार्टी नेपाल सुनसरी जिल्लाका अध्यक्ष भगीरथ खत्वे, राष्ट्रिय जनता पार्टीका अध्यक्ष मण्डलका सदस्य रघुनाथ मेहता, सुब्बालाल मेहता, दिनेश मेहता, राकेश मेहताको संयुक्त हस्ताक्षरित प्रेस विज्ञप्तिमा भगीरथ खत्वेलाई अध्यक्षमा चयन गरिएको छ ।
उपाध्यक्षहरुमा रघुनाथ मेहता , रबिन राई,गुरुदेव यादव, सचिवमा प्रदीप कार्की, उपसचिवहरुमा अभिनन्दन कुमार यादव, सुमित्रा राई, अशोक कुमार मेहता र कोषाध्यक्ष प्रमानन्द मेहतालाई चयन गरेको प्रेस विज्ञप्तिमा उल्लेख गरिएको छ ।
केन्द्रको पूर्व निर्णय अनुसार जनता समाजवादी पार्टी सुनसरीले पनि इनरुवामा मसाल जुलुस प्रदर्शन गरेको जसपाका केन्द्रीय सदस्य दिनेश मेहताले जनाएको छ ।
मसाल जुलुसपछि कोणसभालाई सम्वोधन गर्दै मेहताले संसद् विघटन गर्नु प्रधानमन्त्रीको मुर्खता भएको बताए । संसद् विघटनलाई पुर्नस्थापित नगरेसम्म सडक आन्दोलन जारी राख्ने मेहताले उद्घोष गरेका छन् ।
मसाल जुलुसमा युवा नेताहरु अभिनन्दन यादव, प्रभु यादव, धर्मवीर आर्य लगायतको सयौको सहभागिता रहेको थियो ।
