इनरुवा । जनता समाजवादी पार्टी बर्जु गाउँपालिका चिमडीले वर्तमान राष्ट्रपति विद्यादेवी भण्डारी र प्रधानमन्त्री केपी शर्मा ओलीले चालेको कदमविरुद्ध विरोधसभाको आयोजना गरेको थियो ।
संसद् पुनस्र्थापना माग गर्दै बर्जु गाउँपालिकाको चिमडीमा विरोध र्याली प्रदर्शन गर्दै कोणसभा गरेको थियो । संविधान विपरित काम गरेको भन्दै राष्ट्रपति र प्रधानमन्त्रीले राजिनामा दिनुपर्ने माग गर्दै जसपा बर्जु गाउँपालिका वडा नम्बर ६ का नेता तथा कार्यकर्ताहरुले विरोध गर्दै विभिन्न नाराबाजी गरेका थिए ।
नाराबाजी गर्दै चिमडी परिक्रमा गर्दै कोणसभामा परिणत हुँदै जसपाका नेता तथा कार्यकर्ताहरुले प्रतिनिधिसभा पुनर्गठन नगरेसम्म आन्दोलन गरिरहने चेतावनी दिएका थिए ।
कोणसभालाई सम्बेधन गर्दै जनता समाजवादी पार्टीका केन्द्रीय सदस्य दिनेश मेहताले सरकारले गरेको प्रतिनिधिसभा विघटन अलोकतान्त्रिक र असंवैधानिक कदमका विरुद्ध आफुहरु गाउँगाउँमा आन्दोलन गर्दै आएको बताए ।
मेहताले संसद् पुनस्र्थापना नगरेसम्म सरकार विरुद्ध आन्दोलन गर्ने चेतावनी दिएका छन् । प्रधानमन्त्री केपीशर्मा ओलीको नेतृत्व नेकपाको सरकार आफ्नै द्वन्द्वका कारण दुई गुटमा देखा पर्न थालेको भन्दै मेहताले घर फुटे गवार लुटे भन्नेझैँ नेकपा फुटका कारण देशमा सरकारविरुद्ध नाराबाजी हुन थालेकाले जसरी भए पनि संसद् पुनस्र्थापना गर्नुपर्नेमा जोड दिएका थिए ।
सरकारले घोषणा गरेको मध्यावधि चुनाव कुुनै पनि हालतमा नहुने दाबी गर्दै सरकारले मुलुकमा ठूलो संकट ल्याउन खोजेको हुँदा मधेसी जनताको रक्षा र हक अधिकार प्राप्तिका लागि जसपाले आवाज उठाइरहेको र संविधान संशोधन गरेर मुलुकलाई राम्रो गन्तव्यतिर लैजानुपर्ने उनको भनाइ थियो ।
यसैगरी जसपा देवानगञ्ज गाउँपालिका वडा नम्बर ७ मा पनि विरोधसभाको आयोजना गरेको थियो । सरकारको प्रतिगमनविरुद्ध विरोध गर्दै आएको जसपाका नेताहरु बताउँछन् ।
बर्जु गाउँपालिकाका–६ चिमडीको अध्यक्ष हरि चौधरीको अध्यक्षता सम्पन्न भएको विरोध कार्यक्रममा जसपाका केन्द्रीय सदस्य पर्शुराम बस्नेत, जसपाका केन्द्रीय सदस्य हरिगोविन्द यादव, जसपाका १ नम्बर प्रदेशका नेता राकेश मेहता, नेताहरु राजकुमार चौधरी, मिथलेश मेहता, अशोक मेहता, देवकृष्ण पण्डित, मोहन मेहतालगायते नेता तथा कार्यकर्ताहरुको सहभागिता रहेको थियो ।
