इनरुवा । सुनसरीको हरिनगर गाउँपालिका–४ निवासी पत्रकार नसिम अन्सारीले आफूलाई बदनाम गर्न खाजेको गुनासो गरेका छन् ।
सामान्य रुपमा आफू सुनसरी सदरमुकाम इनरुवाको एक होटेलमा खाजा खान गएको बेला केही व्यक्तिहरुले सुनियोजित रुपमा अरुले नै खाएको रक्सीको बोतल आफू खाईरहेको पानीको गिलासमा खन्याएजस्तो गरेर तस्विर कैद गरेर सामाजिक सञ्जालमा सार्वजनिक गरेर बदनाम गर्न खोजेको गुनासो गरेका हुन् ।
अन्सारीले आफनै केही साथीले मज्जाक गर्ने भन्दै खाली बोतल खन्याएर आफ्नो व्यक्तिगत स्वतन्त्रता र गोपनियता सहितको उल्घंन गरेर चरित्र हत्या गरेकोमा गम्भिर ध्यानाकर्षण भएको भन्दै त्यसमा संलग्नलाई कार्वाही गर्न विज्ञप्ति मार्फत माग समेत गरेका छन् ।
अन्सारीले जारी गरिएको विज्ञप्तिमा भनिएको छ ‘मलाई पूर्ण रुपमा बदनाम गर्ने र सुनियोजित रुपमा अरुले नै खाएको रक्सीको खाली बोतललाई आफ्नो गिलासमा मज्जाक गर्ने भन्दै जिल्ला सुनसरी गापा हरिनगर १ रामनगर भुटाहा घर भई हाल इनरुवा ३ बस्दै आएका अर्जुन कुमार साह सहितले खन्याएर रक्सी खाएको जस्तो भान हुने गरी व्यक्तिगत स्वतन्त्रता र गोपनियताको उल्घंन गरेर चरित्र हत्या गरेको र मेरो साथी ज्याउदिन असांरीलाई समेत बदनाम गर्ने धम्की दिदै खाजा खाएको भोली पल्ट जिल्ला सुनसरी गापा हरिनगर २ रामनगर भुटाहाका २७ वर्षका नौसाद अंसारीले फेसबुकमा हालि दिने भनेको र त्यस को दुई दिनपछि वास्तवमै फेसबुकमा राखेकाले त्यसमा संलग्नहरुलाई कानुनी कार्वाहीका लागि अपिल गर्दछु ।’
अन्सारीद्वारा जारी गरिएको विज्ञप्तिमा सामान्य रुपमा खाना, चिया र खाना खान जाने होटेल वा चिया पसल नै हो, त्यस पसलमा अरुले के के खान्छ त्यो मेरोको विषय भएन तर आफूले खाजा खानका लागि गएको भरमा कोही कसैले हुदै नभएको र खादै नखाएको रक्सीको बोतल राखेर जुन चरित्र हत्याको प्रयास भएको छ , त्यसमा गम्भिर ध्यानाकर्षण भएको भन्दै कार्वाहीको लागि माग गरिएको छ ।
अन्सारीले खाजा, चिया र पानी खाएका व्यक्तिको अगाडि नियोजित रुपमा बोतल राखेर भिडियो खिचेर सामाजिक सञ्जाल फेसबुकको बादसाह बादसाह आईडीमा राखेर भाईरल गरेकोमा त्यो पूर्णतः घृणित कार्य भएको भन्दै यसमा संलग्न भएकाहरुलाई छानविन गरि दोषीहरुलाई कार्वाहीको लागि माग गरेका छन् ।
