हरिनगरा । सुनसरीको हरिनगर गाउँपालिकाको सातौं गाउँसभा बैठक बुधवार सम्पन्न भएको छ ।
हरिनगर–४ को बासुकीनाथ मन्दिरको सभाहलमा हरिनगर गाउँपालिकाले सातौं गाउँसभा बैठक सौहार्दपूर्ण वातावरणमा सम्पन्न भएको हो ।
हरिनगर गाउँपालिकाका अध्यक्ष गफार अन्सारी मियाँको अध्यक्षतामा मंगलबार सुरु भएको सातौं गाउँसभा बैठक बुधवार सम्पन्न भएको प्रमुख प्रशासकीय अधिकृत भत्तबहादुर खड्काले बताए ।
खड्का अनुसार चालु आर्थिक वर्षमा बिनियोजन गरेको बजेटको केही मात्रामा संशोधन गरेर सभा सम्पन्न भएको हो । सशर्त तर्फका केही योजना बजेटका कारण नहुने अवस्था आएको र केहीलाई आवश्यकताका अधारमा संशोधन गरिएको जानकारी दिए । सभाबाट बिनियोजन ऐन संशोधन पारित गरिएको उनले बताए ।
गत आर्थिक वर्षको बाँकी रहेको वक्यौत्ता फर्छोट गर्न समेत दतारुकता देखाउने सभाबाट पारित गरेको छ । सौहार्दपूर्ण वातावरण, मेलमिलाप, उत्साहपूर्ण ढङ्गबाट जनप्रतिनिधि,कर्मचारीहरुको उपस्थिती सभाको बैठक सम्पन्न भएको गाउँपालिकाले जनाएको छ । सभामा सहभागि जनप्रतिनिधिहरुले अगामि दिनमा चौतर्फी विकास गर्नका लागि जोड दिएका थिए ।
अगामी दिनमा श्रोतको खोजी गरी आवश्यकता अनुसार कामलाई प्राथमिकतासाथ अगाडि बढ्नका लागि उनीहरुले सुझाव दिएका थिए ।
सभालाई सम्वोधन गर्दै हरिनगर गाउँपालिकाका अध्यक्ष गफार अन्सारी मियाँले समयमै गाउँसभा सम्पन्न भएकोले सबैलाई धन्यवाद समेत दिएका दिए ।
अध्यक्ष अन्सारीले जनप्रतिनिधि र कर्मचारी आ–आफनो भूमिका निर्वाह गर्दै समन्वयात्मक ढङ्गले आपसी समझदारी गरी अगाडि बढनुपर्नेमा जोड दिएका थिए । उनले आआफनो काम कर्तब्य र दायित्वलाई नबिर्सिकन जनताको सेवालाई छिटो छरितो प्रवाह गर्न आवश्यक रहेको बताए ।
आफूले पालिकाको मुहार फेर्न लागि परेको दाबी गर्दै वडा कार्यालयहरुले पनि विकासको पाट्टोमा साथ दिनुपर्ने बताउँदै अन्सारीले वडा कार्यालयहरुले प्रगति विवरण तयार गरी जनता समक्ष सार्वजनिक सुनवाई कार्यक्रम माफर्त सूचना प्रवाह गर्न आवश्यक रहेको बताए ।
सभामा विषगत शाखाका प्रमुखहरुले आएका गुनासोहरुलाई सम्वोधन गरेका थिए । बैठकमा हरिनगर गाउँपालिकाकी उपाध्यक्ष रिमझिम कुमारी भगत, प्रमुख प्रशासकीय अधिकृत भक्तबहादुर खड्का, सबैवडाका वडाध्यक्ष, सदस्य, सचिव, कार्यपालिका सदस्य र पालिकाका कर्मचारीहरु लगायतको सहभागितामा रहेको थियो ।
