इनरुवा । सुनसरीको हरिनगर गाउँपालिका–५ वसन्तपुरको बंगाली टोलमा पाँच घर परिवारलाई जस्तापता वितरण गरिएको छ । प्रदेश–१ सांसद हाजी ताहिर अन्सारीले पीडित परिवारलाई जनही दुई बण्डल अर्थात् एक परिवारलाई १६ वटा जस्तापता वितरण गरेका हुन् ।
अग्निपीडितहरुको आगलागीमा घर पूर्णरुपले जलेर नष्ट भएपछि र जाडोयामको मौसममा बस्न समस्या भएकाले उनीहरुलाई प्रदेश–१ सांसद हाजी ताहिर अन्सारीले सोमबार पीडितको घरमा पुगी जस्तापता वितरण गरेका हुन् ।
आगलागी भएपछि पीडित परिवारहरुलाई विभिन्न संघसंस्था, हरिनगर गाउँपालिका, वडा नम्बर–५ को कार्यालय लगायतकाले आवश्कताअनुसार राहत सामग्री उपलब्ध गराएपछि हाजी अन्सारीले घर बनाउनका लागि जस्तापता वितरण गरेको जनाएको छ ।
पीडितको घरमा पुगी समस्या बुझ्दै उनीहरुलाई जस्तापता वितरण गरेको उनले बताए । उनका अनुसार आगलागीबाट धेरै क्षति पुगेको हुँदा अहिले आफूले तत्काल जस्तापाता एक परिवारलाई १६ वटा गरी पाँच परिवारलाई ८० वटा जस्तापता वितरण गरिएको छ ।
हरिनगर गाउँपालिका–५ का अग्निपीडितहरु रमेश मण्डल, बिवेक मण्डल, मोहन मण्डल, प्रितिचन्द ९पृथ्वी० मण्डल र पशुपति मण्डललाई १६ वटाको दरले ८० वटा जस्तापता वितरण गरेको उनले बताए ।
नेपाली कांग्रेस हरिनगर गाउँपालिकाका सभापति शिवहरि श्रेष्ठको नेतृत्वमा आगलागी भएको दिनदेखि लगातार सहयोग उपलब्ध गराउँदै आएका छन् । सभापति श्रेष्ठले सहयोग उपलब्ध गराउन अझै भूमिका निर्वाह गर्ने प्रतिबद्धतासमेत ब्यक्त गरेका छन् ।
प्रदेश सांसद हाजी ताहिर अन्सारीको सहयोगमा ८० वटा जस्तापता उनीहरुलाई उपलब्ध गराएको हुँदा उनीहरु खुसी भएका छन् । अग्निपीडित रमेश मण्डलले आगलागी भएपछि हरिनगर गाउँपालिकाका अध्यक्ष गफार अन्सारीको नेतत्वको टिम, वडा कार्यालयको टिम लगायतको संघसंस्थाहरुले सहयोग उपलब्ध गराएको धन्यवादसमेत ब्यक्त गरेका छन् ।
अर्का पीडित मोहन मण्डलले यस्तो दुःख र आपतविपतको समयमा सुनसरी निर्वाचन क्षेत्र नम्बर–४ का निवर्तमान सांसद ज्ञानेन्द्रबहादुर कार्की काठमाडौंबाट आएर आफूहरुको समस्यामा हातेमालो गरी खाद्यन्न सामग्रीसहित ग्याँस सिलन्डर र चुलो सेट उपलब्ध गराएको हुँदा खान, बस्नमा सहज भएको बताए ।
अर्का पीडित पशुपति मण्डलले आगलागीमा घरसहित अन्य सामग्रीहरु जलेर नष्ट भएको बेला सहयोग गर्ने सबै सहयोगी हातहरुलाई धन्यवाद दिँदै आफूहरुलाई क्षतिपूर्ति दिलाउन सहयोग गर्न विभिन्न सरोकारवाला निकायहरुलाई अनुरोध गरेका छन् ।
