टोमराज मेहता
इनरुवा । सुनसरीको इनरुवा नगरपालिकाको मुख्य प्रवेशद्वारको शहीदगेटमा शहीदहरुको शालिकमा माल्यार्पण गरेका छन् । इनरुवा नगरपालिकाको आयोजनामा शुक्रवार बिहान इनरुवाका जनप्रधिनिधिहरुले शहीदहरुको शालीकमा माल्यार्पण गरेका हुन् ।
इनरुवा बसचौकको मुख्यप्रवेशद्वारमा रहेको शहीद गेटमा राखिएको हरि मेहता र श्यामसुन्दर मेहताको शालीकमा इनरुवा नगरपालिकाका मेयर राजन मेहता, उपमेयर जमुना गौतम पोखरेल, इनरुवा–१ का वडाध्यक्ष रामचन्द्र पौदार र इनरुवा–७ का वडाध्यक्ष किशोर कुमार सिंहले माल्यार्पण गरेर शहीद दिवस मनाएका हुन् ।
इनरुवाको बसचौकमा आयोजित कार्यक्रमलाई सम्वोधन गर्दै इनरुवा नगरपालिकाका मेयर राजन मेहताले शहीदहरुको योगदानलाई कदर गर्नुपर्ने बताएका छन् । शहीदहरुले देश र जनताका लागि बालिदानी दिएकोलाई उच्च सम्मान गर्दै उनीहरुको सपना साकार पार्नुपर्नेमा जोड दिएका थिए ।
नगरपालिकाका मेयर मेहताले संघीय र प्रदेश सरकारले शहीद दिवसको अवसरमा सार्वजनिक बिदा नदिएको प्रति दुःख ब्यक्त गर्दै आफूले इनरुवा नगरपालिकामा सार्वजनिक बिदा दिएको समेत बताए ।
मेयर मेहताले मधेश आन्दोलनमा ज्यान गुमाएका हरि मेहता र श्यामसुन्दर मेहताको इनरुवाको मुख्य प्रवेशद्वारमा शहीद गेटमा नै उनीहरुको शालीक बनाएर सम्झना स्वरुप राखेकोले सबैले सम्मान गर्नुपर्नमा बताए ।मेयर मेहताले इनरुवा नगरपालिकाको कार्यालयभित्र , १० वटै वडा कार्यालय, लोकतान्त्रिक चौक र शहीद गेटमा शुक्रवार बेलुका दीप प्रज्जवलन गर्न अनुरोध गरेका छन् ।
त्यसैगरी इनरुवा नगरपालिकाकी उपप्रमुख जमुना गौतम पोखरेलले राणाशासनको दमनको विरुद्धमा ज्यान गुमाएका योद्धाहरुलाई नमन गर्नुपर्ने बताएकी छिन् । शासन र अन्यायको विरुद्धमा लडनुपर्ने उपप्रमुखको भनाई छ ।
शहीदहरुले आफनो ज्यानको कुनै प्रवाह नगरीकन देशको लागि ज्यान गुमाएको हुदाँ उनीहरुबाट अनुकरण गर्नुपर्ने बताउँदै उपप्रमुख पोखरेलले शहीदको इच्छाआंकक्षालाई संस्थागत गर्नुपर्नेमा जोड दिएकी थिइन् ।
शहीद दिवसको अवसरमा इनरुवा नगरपालिकाका प्रमुख प्रशासकीय अधिकृत डिल्लीराज निरौला, सूचना अधिकृृत निरज पोखरेल, कर्मचारी, जनप्रधिनिधि, राजनीतिक दलका अगुवाहरु, समाजसेवी, नागरिक समाज र युवाहरुको सहभागितामा शहीद दिवस मनाएका हुन् । भिडियो
