इनरुवा। राष्ट्रिय युवा संघ नेपाल सुनसरी जिल्ला कमिटिको संयोजकमा अरुण गुरुङ चयन भएका छन् ।
ओली पक्षका युवाहरुको एक भेलाले बुधबार गुरुङको संयोजकत्वमा एक सय पाँच जनाको जिल्ला कमिटी विस्तार गरिएको छ ।
नेकपामा ओली समूह र प्रचण्ड–नेपाल समूह विभाजित भएपछि भातृ संगठनहरु पनि आआफ्नो पक्षका भातृ संगठनहरु विस्तार गर्ने क्रमलाई जारी राख्दै प्रधानमन्त्री केपी शर्मा ओली पक्षका राष्ट्रिय युवा संघ नेपाल सुनसरीको जिल्ला कमिटी विस्तार गरिएको हो ।
राष्ट्रिय युवा संघ नेपाल सुनसरी जिल्ला कमिटीका सह–संयोजक इनरुवा–५ का युवा नेता पुकार पोखरेललाई सर्वसम्मतबाट चयन गरेका हुन् ।
राष्ट्रिय युवा संघ नेपाल सुनसरी जिल्ला कार्यसमितिका सदस्यहरु युवा नेता रमेशकुमार यादव, पुनमकुमारी साह, रितिक यादव, श्रीप्रकाश मेहता, रविन्द्र यादव, मञ्जित राम, कादिर हुसैन, इमरान आलम, सद्दाम हुसैन, रियाज हुसैन, सुजन लामा, रवि कार्की, रञ्जु सिग्देल, लक्ष्मण साह, सुरेशराज दाहाल, कपिल रिजाल, गौरवजंग राणा, रेणुका चौधरी, धीरज वर्मा, अमित ढकाल, नागेश्वर मेहतासहित एक सय पाँच सदस्यीय जिल्ला कार्यसमिति चयन गरेका हुन् ।
राष्ट्रिय युवा संघ नेपाल सुनसरी जिल्ला कमिटी विस्तार गरी सुनसरीको इटहरीमा घोषणा कार्यक्रममार्फत् नामहरु सार्वजनिक गरेका हुन् ।
त्यसैगरी राष्ट्रिय युवा संघ नेपाल इनरुवा नगर कमिटीका संयोजक इनरुवा–६ का युवा नेता प्रताप भट्टराईलाई चयन गरेका छन् भने हरिनगर गाउँपालिकाका संयोजक जियाउँद्धिन अन्सारी र सह–संयोजक साजिद आलमलाई चयन गरेका हुन् ।
घोषणा कार्यक्रममा नेकपाका केन्द्रीय सदस्य मुरारी सुवेदी, इटहरीका उपमेयर तथा नेकपाका केन्द्रीय लक्ष्मी गौतम, युवा संघका केन्द्रीय सदस्य प्रल्हाद बस्नेत, राष्ट्रिय युवा संघ नेपाल सुनसरीका इन्जार्च देवानन्द मेहता लगायतको उपस्थिति रहेको थियो ।
