इनरुवा । किराँत राई यायोक्खा इनरुवाको सुभाष राईको अध्यक्षतामा १४ कार्यसमिति सर्वसम्मतबाट चयन भएका छन् । शनिवार भएको प्रथम अधिवेशनबाट अध्यक्ष सुभाष राईको अध्यक्षतामा सर्वसम्मतले १४ कार्यसमिति चयन भएको हो ।
उपाध्यक्षमा विशाल राई, सचिव सुजाता राई, सहसचिव मन्जु राई, कोषाध्यक्षमा सरस्वती राई चयन भएका हुन् । सदस्यहरुमा ओसिन राई, पुष्पा राई, गोपाल राई, जुनलक राई, योगेश राई, अन्जना राई, सुष्मा राई, चन्देश राई र अशोक राई रहेका छन् ।
इनरुवा नगरपालिका वडा नम्बर १,३,६ र ८ का युवाहरुको अधिवेशनबाट उनीहरुलाई सर्वसम्मतबाट चयन गरिएको हो । सो कार्यक्रममा इनरुवा नगरपालिकाका नगरप्रमुख राजन मेहता, इनरुवा–३ का वडाध्यक्ष कालुराम गुरुङ्ग, किराँत राई यायोक्खा जिल्ला उपाध्यक्ष हिडुहाँग राई र जिल्ला सदस्यहरु चन्द्र वान्तवा र प्रदीप राई लगायतको सहभागिता रहेको थियो ।
किराँत राई यायोक्खाले राई जातिहरुको हकअधिकार र संगठनबाट सकारात्मक सन्देश प्रवाह गर्न एकजुट भएर अगाडि बढ्ने उद्धेश्य रहेको आयोजकले जनाएको छ । राई जातिहरुको अन्य ठाउँमा संगठित भइसकेकोले इनरुवामा पनि संगठित हुनका लागि प्रथम अधिवेशनबाट समिति चयन गरिएको बताइएको छ ।
