पवन रौनियार
लौकही । अस्थाई ट्राफिक प्रहरी पोष्ट लौकही र कोशी कटानले सोमबार हर्न निषेधित सम्वन्धी जनचेतना मुलक कार्यक्रम गरेको छ । अस्थाई ट्राफिक प्रहरी पोष्ट लौकहीले सोमबार हर्न निषेधित सम्वन्धी जनचेतना मुलक कार्यक्रम गरेको हो ।
बजारभित्र तीव्र गतिमा सवारी चलाउने क्रम बढेपछि ट्राफिक प्रहरी कार्यालयले हर्न निषेधित को अवधारणा ल्याएको हो र सोहि अनुरुप जनचेतना मुलुक कार्यक्रम गरेको अस्थायी ट्राफिक प्रहरी पोष्ट लौकहीका प्रमुख सुर्य सिवाकोटिले बताएका छन्
अनावश्यक रुपमा हर्न बजाउने र ओभरटेक गर्ने हुनाले दुर्घटना बढ्न सक्ने सम्भावना भएकाले दुर्घटना न्यूनीकरणका गर्नका लागि यो अभियान सुरु गरिएको सिवाकोटीले जानकारी दिए ।
अनावश्यक रुपमा हर्न बजाउँदा ध्वनी प्रदुषण हुने भएकाले यो अभियान सुरु गरेका हौ , उनले भने, ‘सवारी चालकलाई हर्न नबजाउनका लागि सोमवार नमस्कार गरेर सचेतना कार्यक्रमबाट सुरु गरेका छौ ।’
प्रदेश भरी ९२ वटा ट्राफिक इकाईमा एकसाथ सोमवार सचेतना अभियान सुरु गरेको बताइएको छ । सचेतना कार्यक्रम अन्तरगत पहिलो चरणमा सवारी चालकलाई नमस्कार गरेर यसबारेमा जानकारी गराएको र अटेरी गर्ने चालकलाई कानून बमोजिम कारवाही गरिने समेत उनले बताए ।
इलाका प्रहरी कार्यालय लौकहीका प्रहरी नायब निरीक्षक हरि कुमार कार्कीले सवारी व्यवस्थापनका लागि सामाजिक सघंसंस्था, स्थानीय युवा राजनीतिक दल ,नागरिक समाज लगायतकाले सहयोग गरेमा काम गर्न सहज हुने बताए ।
१ नम्बर ट्राफिक प्रहरी कार्यालय इटहरी २०७४ साल असोज १ गते प्रदेस क्षेत्रमा हर्न निषेधित घोषणा गरेपनि पुर्ण रुपमा कार्यान्वयन हुन सकिरहेको थिएन भने पुन हर्न निषेधित क्षेत्र घोषणा गरेर कार्यान्वयनका लागि जुटेको जनाएको छ ।
