देवानगञ्ज । सुनसरीको देवानगञ्ज–४ मा सुनसरी प्रहरीले एक व्यापारीको घरमा छापामारी गरेको छ ।
भन्सार छलि गरेर भारतबाट ल्याएको खाद्यन्न सामाग्री देवानगञ्ज–४ का खेलानन्द यादवले आफनो घरमा स्टोक गरेर राखेको सूचनाको अधारमा सुनसरी प्रहरीको टोलीले छापामारी गरेको हो ।
यादवले आफनो घरमा भारतीय चामल एक सय एक बोरा, ७० बोरा नुन लगायत खाद्यन्न सामाग्री तीन लाख बराबरको सामान स्टोक गरेर राखेको सूचनाको अधारमा जिल्ला प्रहरी कार्यालय सुनसरीका प्रहरी निरीक्षक सरोज खनाल नेतृत्वको टोलीले बरामद गरेको छ ।
बरामद गरेको समानहरु सेतुवन्ध भन्सार कार्यालय कोशी व्यारेज कार्यालय पठाइएको सुनसरी प्रहरीले जनाएको छ । देवानगञ्ज–४ का खेलानन्द यादवले आफनो घरमा ताल्चा लगाएर फरार फरार भएका छन् । सुनसरी प्रहरीले यादवको घरबाट अवैध खाद्यन्न सामाग्री बरामद गरी भन्सार कार्यालय बुझाएको हो ।
