इनरुवा । नेपाली कांग्रेसको भातृ संगठन नेपाल ठाकुर समाज सुनसरीको जिल्ला अधिवेशन हुने भएको छ । चैत्र ११ गते बुधवार नेपाल ठाकुर समाज सुनसरीको प्रथम जिल्ला अधिवेशन हुने भएको हो ।
जिल्ला अधिवेशनको प्रमुख अतिथि नेपाली कांग्रेसका केन्द्रीय सदस्य तथा संघीय सांसद ज्ञानेन्द्रबहादुर कार्कीले उद्घाटन गर्ने आयोजकले जनाएको छ । नेपाल ठाकुर समाजका केन्द्रीय अध्यक्ष अनिरुद्र प्रसाद ठाकुरको बिशेष आथित्यमा सम्पन्न हुने भएको ठाकुर समाज सुनसरीले जनाएको छ ।
नेपाल ठाकुर समाज सुनसरीका संयोजक राजकुमार ठाकुरले जिल्ला अधिवेशनको सम्पूर्ण तयारी पुरा भइसकेको बताए । ठाकुरका अनुसार नेपाली कांग्रेस जिल्ला पार्टी कार्यालय इनरुवा सुनसरीमा जिल्ला अधिवेशन हुने भएको हो ।
संघीय सांसद कार्कीले जिल्ला अधिवेशनको उद्घाटन गर्ने र समसमायिक विषयमा आफना धारणा राख्ने भएकोले जिल्लाभरका ठाकुर समुदायहरुलाई उपस्थितका लागि आयोजकले अनुरोध गरेका छन् ।
जिल्ला अधिवेशनका दिन ठाकुरहरुले आआफ्नो सैलुन पसलहरु बन्द गरी कार्यक्रममा सहभागी भई सफल बनाउन संयोजक ठाकुरले अनुरोध गरेका छन् ।
यस अघि नै नेपाल ठाकुर समाज सुनसरीको जिल्ला अधिवेशन हुने तय गरिएपनि बिशेष परिस्थितीका कारण गर्न नसकिएकाले पुनः चैत्र ११ गते बुधवार दिउँसो हुने भएकोले सबैलाई सहभागि भई दिनका लागि संयोजक ठाकुरले आग्रह गरेका छन् ।
