इनरुवा । सुनसरीको इनरुवा–२ बिहिवारे हाटमा आउँदो सोमवार बहुभाषिक सांस्कृतिक कार्यक्रम हुने भएको छ । अपन स्वर्ग नेपाल कला संस्कृति केन्द्रीय कार्यालय इनरुवको आयोजना र इनरुवा नगरपालिकाको सहयोगमा एक दिने बहुभाषिक सांस्कृतिक कार्यक्रम हुने भएको हो ।
बहुभाषिक सांस्कृति कार्यक्रमको प्रमुख अतिथि नेपाली कांग्रेस सुनसरीका सभापति एव १ नम्बर प्रदेशको प्रमुख प्रतिपक्षी दलका नेता राजीव कोइराला, बिशिष्ट अतिथि इनरुवा नगरपालिकाका नगर प्रमुख राजन मेहता रहने आयोजकले जनाएको छ ।
कार्यक्रमको संयोजक नेपाल सांस्कृतिक संघ सुनसरीका सभापति जगदिश मेहताले इनरुवामा पहिलो पटक बहुभाषिक सांस्कृतिक कार्यक्रम हुन लगोको बताए । सबै जातिजातिको कलाकारहरुले आ–आफनो प्रतिभा देखाउनका लागि एक मञ्चबाट प्रस्तुत गर्ने संयोजक मेहताले बताए ।
कार्यक्रममा स्थानीय कलाकारदेखी राष्ट्रिय स्तरसम्मका कलाकारहरुले आआफनो प्रतिभा प्रस्तुत गर्ने अपन स्र्वग नेपाल कला संस्कृति केन्द्रीय कार्यालय इनरुवाका अध्यक्ष झोटन मेहताले बताए । बहुभाषिक सांस्कृृति कार्यक्रमको उद्धेश्यका बारेमा मेहताले आयोजित पत्रकार सम्मेलन गरी जानकारी गराएका थिए ।
बहुभाषिक सांस्कृतिक कार्यक्रमले नेपाल कला र संस्कृतिको विश्वव्यापी रुपमा प्रर्वद्धन गर्ने, नेपालका उत्कृष्ट पर्यटकीय स्थलहरुको विश्वव्यापी रुपमा प्रर्वद्धन गर्ने, उत्कृष्ट कार्य गर्ने कलाकर्मी, संचारकर्मी, समाजसेवी, पर्यटन प्रवद्र्धनमा काम गर्ने व्यक्ति तथा संस्थाहरु लगायत मानव कल्याण समाजिक हितका लागि काम गर्ने विश्वका जो कोही व्यक्तिहरु र संस्थाहरुलाई प्रोत्साहन एवं सम्मान गर्ने, हिमाल, पहाड र तराई, कोही छैन पराई भन्ने मुल्य मान्यता स्थापित गर्ने र कला संस्कृतिको माध्यमबाट आम मानिसहरु एकताको सुत्रमा बाँध्ने आयोजक संस्थाका अध्यक्ष मेहताले जनाएको छ ।
कार्यक्रमको लागि अन्दाजी ६ लाख ९५ हजार कुल लागतमा कार्यक्रम हुनेछ । कार्यक्रममा रुद्रशेन विश्वकर्मा, संजिव सम्राट, बिजय पण्डित, पुजा दाहाल, कासी चौधरी, होम भट्टराई, निर्मल दास, प्रकाश अनुराग लगायतका कलाकारहरुले कला, संस्कृति, परम्परालाई संरक्षण र सम्वद्र्धन गर्ने गरी प्रतिभा देखाउने भएका छन् ।
आउँदो सोमवार इनरुवाको बिहिवारे हाटमा बेलुका ३ बजे सहभागिता र कार्यक्रमलाई सफल बनाउनका लागि उपस्थित हुनका लागि आयोजकले अनुरोध गरेको छ ।
