इनरुवा । सुनसरीको गढी गाउँपालिका–५ नम्बर वडाका सरोकारवालाहरुका लागि बालमैत्री स्थानीय शासन सम्बन्धी कार्यक्रम सम्पन्न भएको छ ।
सतैरझोरमा गढी गापा–५ नम्बर वडा कार्यालयको सहयोग तथा आयोजनामा अन्तरकृया कार्यक्रम सम्पन्न भएको हो । कार्यक्रममा गढी–५ का वडा अध्यक्ष सुगना झागडले बालमैत्री वातावरण निर्माणका लागि घर परिवारदेखी विद्यालयसम्मको महत्वपूर्ण भुमिका रहेको बताए ।
गढी गापा उपाध्यक्ष राजकुमारी चौधरीले बालमैत्री स्वयंसेवक र सामाजिक परिचालनलाई बालमैत्री स्थानीय शासन क्षमता बिकास गर्न आवश्यक रहेको बताईन् ।
बालमैत्री स्थानीय शासन क्षमता बिकास अभिमुखिकरण कार्यक्रम सम्पन्न भएको वडा सदस्य सोनिया सरदारले जानकारी दिईन् । वडालाई बालमैत्री स्थानिय शासन घोषणा गर्ने लागि स्वयसेवक , सामाजिक परिचालनलाई टोल टोलमा र वाडमा रहेका क्लबहरूलाई बालमैत्री सम्बन्धि सचेतना जगाउने उदेश्यले उत्त कार्यक्रमको आयोजना गरिएको वडा सचिव शयमकुमार साहले जानकारी दिए ।
वडामा बालमैत्रि स्थानीय शासन भन्ने विषय के हो ? त्यसको बारेमा बालबालिका, शिक्षक, प्रधानाध्यापक , जनप्रतिनिधि र अभिभावक समेतलाई जनचेतना जगाउने काम भएको छ । कार्यक्रममा ५० जनालाई बालमैत्रि स्थानीय शासन सम्बन्धि अभिमुखिकारण गरिएको मूख्य प्रशिक्षक जयकृष्ण यादवले जानकारी दिए ।
राज्यबाट पाउने सेवा सुबिधा बालबालिकाको नैसर्गिक अधिकार भएकोले र बालमैत्री घोषणा गर्न सरकारले बालबालिकाको अधिकार सुनिश्चित गरेको उनले बताए ।
कार्यपालिका सदस्य सोनिया सरदार, वडा सचिव श्यामकुमार साह, वडा सदस्यहरु सुनिता कुमारी दास,(राम), राजेन्द्र यादव, विष्णु बहादुर मगर, प्रधानाध्यापक ओमनारायण यादव, रामनारयाण साह, जगनारायण यादव, शिक्षकहरु पिताम्बर यादव, शिवशंकर पण्डित, रन्जितकुमार चौधरी, अन्जली यादव, ज्योती यादव सहितकाले बालमैत्रीका बारेमा बोलेका थिए ।
त्यसैगरी पत्रकार अजमल अन्सारी, जुगेश दास, गणेश यादव लगायतले पनि बोलेका थिए ।
