इनरुवा । नेपाली कांग्रेसको भातृसंगठन नेपाल मुस्लिम संघ १ नम्बर प्रदेशका सभापति इसराइल मंसुरीले भोक्राहा नरसिंह गाउँपालिकाको भवन बनाउन जग्गा दिलाउनका लागि आफूले सहयोग गरेको बताए । केही महिना अघि भोक्राहा नरसिंह गाउँपालिकाको भवनको लागि शिलन्यास गरेपछि निर्माण कम्पनिले काम सुरु गरेको थियो ।
भोक्राहा गाउँपालिकाको भवन निर्माण कार्य सुरु भए पश्चात् निर्माण कम्पनिले कमशल काम गरेको गुनासो आएपछि इसराईल मंसुरी सहित युवाहरुको टोलीले अनुगमन गरेका थिए । अनुगमन गर्ने क्रममा गाउँपालिकाकै एक प्राविधिकले काम कमशल भएको स्वीकार समेत गरेका थिए ।
गाउँपालिकाकै प्राविधिकले काम कमशल भएको स्वीकार गरेपछि नेपाल मुस्लिम संघ १ नम्बर प्रदेशका सभापति इसराईल मंसुरीले काम कमशल नगरीकन सम्झौता, इस्टीमेट र बजेट अनुसार काम गर्न सुझाव दिएका थिए ।
भोक्राहा नरसिंह गाउँपालिकाको भवन निर्माणमा काम कमशल भएको बिभिन्न मिडियामा समाचार आएपछि आफूलाई बदनाम गर्ने षडयन्त्रले केही पत्रकारहरुले विकास विरोधी भनेर समाचार लेखेकोप्रति ध्यानाकर्षण भएको नेता मंसुरीको भनाई छ ।
उनले भने, ‘म विकासप्रेमी व्यक्ति हुँ ।’ भवन निमार्ण कार्यमा कमशल भएको गुनासो आएपछि आफूहरुले सुधार गरी सम्झौता अनुसार काम गर्न सल्लाह सुझाव दिएको थिए । केही पत्रकारलाई आर्थिक प्रलोभन दिई पालिकाका केही व्यक्तिहरुले मेरो विरुद्ध समाचार लेखाएकोप्रति मेरो ध्यानाकर्षण भएको नेता मंसुरीको भनाई छ ।
नेता इसराईल मंसुरीले पालिकामा सदैव विकास हुनुपर्छ भन्ने पक्षमा वकालत गर्ने विकासप्रेमी युवा नेता हुन् । गाउँपालिकाको भवन बनाउनका लागि जग्गा उपलब्ध गराउन आफूहरुको अथक प्रयासबाट जग्गा दिलाउन सफल भएकोले कामको निगरानी गर्नु नागरिकको अधिकार, कर्तब्य र दायित्व भएकोले अनुगमन गरेर काम सच्चाउन भनेपछि केही तत्वहरु अतालिएर मेरो विरुद्ध लागेको नेता मंसुरीको आरोप छ ।
अगामी स्थानीय तहको निर्वाचनमा पालिकाको अध्यक्ष पदमा पुनः उम्मेदवार बन्ने हल्ला सुनेपछि केही तत्वहरुको राजनीतिक खतम हुने संकेत देखेपछि आफू विरुद्ध केही पत्रकारलाई प्रयोग गरेर राजनीति सखाप पार्ने ठूलो परपञ्च रचेको नेता मंसुरी बताउँछन् ।
नेता मंसुरी पहिलो स्थानीय तहको निर्वाचनमा अध्यक्ष पदमा झिनो मतले पराजित भएपछि भोक्राहा नरसिंह गाउँपालिकामा प्रत्यक्ष जनतासँगको भेटघाटलाई निरन्तरता दिँदै राजनीति गतिविधिमा सक्रिय हुँदै आएको बेला केही तत्व अतालिएर आफू विरुद्ध लागेको उनले बताए ।
आफू भोक्राहा नरसिंह गाउँपालिकाका जनतालाई भेदभाव नगरीकन समानढङ्गबाट व्यवहार गरेकोले जनताको समस्यामा सदैव साथ रहने समेत उनले प्रतवद्धता व्यक्त गरेका छन् ।
नेता मंसुरीले सरकारी जागिर छाडेर समाजसेवा गर्ने भावना लिएर राजनीतिमा उत्रिएको बताए । कुनै पनि पार्टीका नेता तथा कार्यकर्ताहरुसँग मनमुटाव नगरेको उनले स्पष्ट पारे । समाजमा लोकप्रिय नेताको रुपमा परिचित नेता मंसुरी सधै दिगो बिकासको पक्षमा वकालत गर्ने उनले बताए ।
अबका दिनमा भोक्राहा नरसिङ गाउँपालिकामा बिकासको नाममा भएको कमसल भौतिक संरचना निर्माण कार्यको विरुद्ध खरो रुपमा प्रस्तुत हुने इसराईल मंसुरीको कथन छ ।
गाउँपालिकामा जनप्रतिनिधि आए लगतै कार्यालय निर्माण गर्न जग्गा खोज्न जनप्रतिनिधिलाई सहयोग मेरोतर्फबाट पनि भएको सुनसरी अनलाइनको कुराकानीमा बताए । हाल निर्माणाधीन गाउँपालिकाको कार्यालय भवन निर्माणका लागि जग्गाको व्यवस्थापन गर्ने कार्यमा आफूले पनि महत्वपूर्ण भूमिका निर्वाह गरेको नेता मंसुरीको कथन छ ।
यता केही सञ्चार माध्यम र सामाजिक सञ्चालनमा आफु विरुद्ध भ्रम फैलाउन खोजेको भन्दै नेता मंसुरीले गलत प्रचारबाजीको पछि नलाग्न उनले भोक्राहा नरसिंहबासीलाई अनुरोध समेत गरेका छन् ।
यता केही सञ्चारमाध्यममा गलत प्रचारबाजी गरेको हुदाँ र मेरो राजनीतीलाई यात्रालाई सखाप पार्ने काम भएकोले सो विरुद्ध कार्वाही प्रक्रिया अगाडी बढाउने समेत उनले बताए ।
