इनरुवा । नाबालिकालाई बलत्कार गरेको अभियोगमा तीन साता अघिदेखी प्रहरी हिरासतमा रहेका भोक्राहा नरसिंह गाउँपालिकाका अध्यक्ष महेन्द्र प्रसाद यादव विरुद्ध थप अनुसन्धान गर्न सुनसरी प्रहरीले चौथो पटक पाँच दिनको म्याद सोमवार थप गरेको छ ।
एक नाबलिकालाई बिभिन्न प्रलोभन देखाई धरानको एक होटलमा करणी गर्दा गर्दै प्रहरीको टोलीले पक्राउ गरेपछि सुनसरी प्रहरीद्धारा जवरजस्ती करणी मुद्धाका अभियुक्त बनेका यादव सँग सम्वन्धित थप केही छानबिन गर्न बाँकी रहेको भन्दै सुनसरी प्रहरीले चौथो पटक म्याद थप माग्दा सुनसरी जिल्ला अदालतबाट त्यती दिनको म्याद थप गरिएको हो ।
समाचार श्रोतका अनुसार सो मुद्दालाई कमजोर बनाई अदालत समक्ष बुझाउन दबाब सुनसरी प्रहरीलाई आइरहेको छ । जसमा केही उच्च राजनीतिक व्यक्ती समेत संलग्न छन् । यादवको मुद्दालाई कमजोर बनाई अदालतबाट उनको पक्षमा फैसला गराउन आधा दर्जन बढी बिभिन्न क्षेत्रका व्यक्तिहरुको समुहले हाल सरकारी वकिल, पीडित बालिकाको परिवार लगायतको प्रहरीको उच्च अधिकारीसम्म पैसाको प्रलोभन देखाउन समेत चुकेका छैनन् ।