नसीम अन्सारी
सुनसरी । पूर्व मन्त्री मोहम्मद जाकिर हुसैनले समाजिक सञ्जाल फेसबुकमार्फत् सम्पूर्ण मुस्लिम समुदायलाई ईदुल फित्रका दिन भीडभाड नगरी ईदको नमाज पढ्न आग्रह गरेका छन् ।
हुसैनले भोलि बिहीबार एक महिने रमजानको व्रत समापन हुँदैछ। २०७८ सालको रमजानको व्रत सकेको भोलिपल्ट मुस्लिम समुदायले ईदुल फित्र ९ईद० मनाउने गर्दछन् ।
यसपालि नेपालमा शुक्रबार मुस्लिम समुदायहरुले ईदुल फित्र ९ईद० मनाउने भएका छन् ।
ूहाम्रो देश कोरोना महामारीको चपेटामा छ । तपाईं सबैले दिनहुँ मृत्युको खबर सुनिरहनुभएको छ । हामी सबै मिलेर कोरोनालाई छिटो परास्त गर्नुछसू उनले भने ।
ईदमा भीडभाड नगर्न, सामाजिक दुरी कायम गरी ईदको नमाज पढ्न छुट्टाछुट्टै ईदगाह, चौर मैदान, मस्जिद, मद्रसा परिसरहरूमा बाँडिएर सानो सानो जमात बनाएर नमाज पढ्न उनले आग्रह गरेका छन् ।
ूहिजो देशको अवस्था ठीक थियोे, हामी सबैले एक ठाउँमा एकत्रित भएर ईदको नमाज पढ्ने गर्थ्यौं तर आज देशमा कोरोना महामारी फैलिएको छस त्यसकारण यसपटक सम्पूर्ण मुस्लिम समुदायसँग धेरैभन्दा धेरै समूहमा विभाजन भएर ईदको नमाज पढ्न आग्रह गर्दैछौू उनले सञ्जालमा भनेका छन् ।
नेपाल भरिका मुस्लिम समुदायलाई अनुरोध गर्दै उनले लेखेका छन्, ईदको नमाज पढ्न जाँदा सबैले अनिवार्य रूपमा मास्क लगाऔं ।
ईदको नमाज पढेर घर फर्कनासाथ सेनिटाइजर प्रयोग गर्न वा साबुन पानीले हातमुख धुन, टोलबस्तीमा धेरै चहलपहल नगर्न समेत उनले आह्वान गरेका छन् ।
ईदको शुभकामना आदान प्रदान गर्दा एक परिवारका सदस्यबाहेक अन्य परिवारका व्यक्तिसँग हात नमिलाउन र गला मिल्ने काम नगर्न समेत उनले जोड दिएका छन् ।
बिपन्न गरीबहरूले पनि ईद मनाउन सकोस् भनेर उनले आफ्नो गाउँघर, छिमेकीमा रहेको गरीब, बिपन्न व्यक्तिहरुलाई आर्थिक सहयोगसमेत गर्न मुस्लिम समुदायलाई पूर्व मन्त्री हुसैनले आग्रह गरेका छन् ।
हुसैले सम्पूर्ण मुस्लिम समुदायको ईदुल फित्र ईद सुखमय रहोस्, रमाईलो होस् भन्दै ईदको शुभकामना मुबारकबाद समेत व्यक्त गरेका छन् ।
