इनरुवा । नेपाली कांग्रेसको भातृसंगठन नेपाल मुस्लिम संघ १ नम्बर प्रदेशका सभापति इसराईल मंसुरीले मुस्लिमहरुको महान चाडपर्व ईदउल फित्र अर्थात ईद भोली शुक्रवारका दिन घरमै नमाज पढ्नका लागि अनुरोध गरेका छन् ।
विश्वसँगै हाम्रो मुलुक कोरोनाको जोखिम उच्च रहेकोले यस विषम परिस्थितीमा ईदउल फित्र पर्वका दिनमा एकै ठाउँमा जम्मा नभई आ–आफना घरमा ईदको नमाज पढन् नेपाल मुस्लिम संघ १ नम्बर प्रदेशका सभापति मंसुरीले अनुरोध गरेका हुन् ।
कोरोना रोकथाम तथा नियन्त्रण गर्न हामी सबैको दायित्व भएकोले मुस्लिम समुदायहरुको महान चाडपर्व ईदउल फित्र भोली शुक्रवारका दिन बिहान आ–आफनो घरमा सामाजिक दुरी कायम गरी ईदको नमाज पढ्नका लागि मुस्लिमहरुलाई आग्रह गरेका छन् ।
विश्व नै कोरोनाको महामारीमा आक्रान्त भैइरहेको बेला १ नम्बर प्रदेश पनि कोरोनाबाट अछुतो रहन नसकेको उनले तर्क गर्दै ईदको नमाज घरमै पढेर ईदउल फित्र अर्थात ईद पर्व मनाउन उनले आग्रह समेत गरेका छन् ।
कोरोनाको बेला सर्तक र सजग रही ईदुल फित्र पर्व मनाउन उनले मुस्लिम समुदायलाई आग्रह गर्दै ईदउल फित्रका दिन भीडभाड नगरी ईदको नमाज घरमा नै पढी पर्व मनाउन उतम हुने उनको र्तक छ ।
सरकारले निषेधाज्ञा लागू गरिएकोले मुस्लिम समुदायहरुले सोको पालना गर्नुपर्ने उनले बताउँदै ईदउल फित्र अर्थात ईद पर्व मनाउन सामाजिक दुरी कायम सँगै मास्कको प्रयोग अनिर्वाय प्रयोग गरेर अल्लाहसँग कोरोनाबाट सर्वसाधारणलाई जोगाउनको लागि दुवा गर्न पनि मुस्लिम समुदायलाई आग्रह उनले गरेका छन् ।
त्यसैगरी नेपाल मुस्लिम संघ १ नम्बर प्रदेशका सचिव नइम अन्सारीले कोरोनाको महामारीको समयमा घरमै बस्न आग्रह गर्दै घरमै सामाजिक दुरी कायम गरी इदगााहमा नगई नमाज पढ्न आग्रह गरेका छन् । नेपाल सरकारले आह्वान गरेको स्वास्थ्य मापदण्डको पूर्ण रुपले पालना गर्न समेत उनले आग्रह गरे । ईदउल फित्रको मुबारकवादको शुभकामना सम्पूर्णमा व्यक्त गरेका छन् ।
नेपाल मुस्लिम संघका १ नम्बरका सभापति मंसुरीले सम्पूर्ण मुस्लिम समुदायको ईदउल फित्र ईदको अवसरमा शुभकामना मुबारकबाद समेत व्यक्त गरेका छन् । मंसुरीले कोरोनाबाट संक्रमित भएकाहरुको शिघ्र स्वास्थ्य लाभ एवं सुस्वास्थ्य, दीघार्यु र उतरोतरको प्रगतिको कामना समेत गरेका छन् ।
