उमेश कुमार साह
राजविराज । सप्तरीको डाक्नेश्वरी नगरपालिका वडा नम्बर १० रन्जितपुरमा आज दिउँसो आगलागि हुदाँ पाँच वटा घर जलेर पूर्ण रुपले नष्ट भएको छ ।
स्थानिय भरत चौधरीको परालको टालबाट सुरु भएको आगलागीबाट पाँच घर जेलेर नष्ट भएको छ भने लाखौको क्षति भएको सप्तरी प्रहरीले जनाएको छ । चौधरीको एउटा घर, बन्हु चौधरी , उमा कान्त चौधरी, शोभाकान्त चौधरी र लक्ष्मीकान्त चौधरीको एक÷एक वटा घर आगलागीमा जलेर नष्ट भएको स्थानीय रामु चौधरीले जानकारी दिनुभयो ।
उक्त आगलागीमा घर निर्माण गर्न रकम जम्मा पारेका बन्हु चौधरीको घरमा राखिएको करिब नगद ६ लाख समेत जलेर खरानी भएको उहाँले बताउनुभयो ।
सो आगोमा १२५ सिसिको डिसकोभर मोटरसाइकल समेत जलेको र आफनो घरको सम्पुर्ण समाग्री जलेर खरानी भएको शोभा कान्त चौधरीको भनाई छ ।
अग्निपिडित उमा कान्त चौधरीका अनुसार आगलागीमा करिब घरभित्र रहेका ३÷४ लाखको सुनचान्दी समेत जलेर नष्ट भएको बताउनुभयो ।
सो आगलागीमा खाद्यन्न लताकपडा ,भडार्वतन नगदजिन्सी र घर भित्र रहेको काठ , जस्तापता , फर्निचरका समान तथा गोदरेज जलेर खरानी हुदा करिब २० लाख मुल्य बाराबरको क्षति भएको इलाका प्रहरी कार्यालय पातो सप्तरीले जनाएको छ ।
आगोलाई स्थानियबासी तथा प्रहरी र हनुमान कंकालनि नगरपालिकाका बारुण यन्त्रले अहिले केही छिन अगाडी नियन्त्रणमा लिएको जिल्ला प्रहरी कार्यालय सप्तरीले जनाएको छ ।
