सुनसरी । सुनसरीको हरिनगर गाँउपालिका–५ बसन्तपुरबाट अवैध औषधि सहित तीन जनालाई सशस्त्र प्रहरीले पक्राउ गरेका छन् । ट्रमाडोल ५० एमजीको ३४८ पतामा ३ हजार ४ सय ८० पिस क्यापसुल सहित तीनजनालाई सशस्त्र प्रहरी बल नेपाल बीओपी बसन्तपुर बेस क्याम्पबाट खटिईएको प्रहरी टोलिले पक्राउ गरेको हो
मिति २०७८।०२।१८ गते सुनसरीको घुस्कीबाट चैनपुर संखुवासभाको लागि कामदार (लेवर) लिएर जादै गरेको प्र.१–०२–००२ च ४७२७ नम्वरको बोलेरो गाडीलाई नियमित गस्ती टोलिले चेक जाँच गर्ने क्रममा उक्त अवैध औषधी सहित तीनजनालाई पक्राउ गरीएको हो ।
पक्राउ पर्नेमा इटहरी उप–महानगरपालिका बस्ने परिक्षण कुवँर , सवारी चालक सोहि स्थान बस्ने विजय अधिकार र हरिनगर गाँउपालिका–६ बस्ने नसिम अन्सारी रहेका छन् ।
पक्राउ परेका तीनैजनालाई आवश्यक कारबाहिको लागि औषधि व्यवस्थापनको कार्यालय बिराटनगर पठाईएको छ सुनसरी प्रहरीले जनाएको छ ।
