इनरुवा । सुनसरीको इनरुवा नगरपालिका–६ मा गठन भएको मधेशा युवा टिमले आकाशमुनी बस्दै आएका एक परिवारलाई टयुवेल सहित घर निर्माण गरेको छ ।
साविक मधेशा–२ हाल इनरुवा नगरपालिका–६ का प्रेम बहादुर राना सहितका परिवारले आकाशमुनी बस्दै आएको देखेर मधेशा युवा टिमले टयुवेल सहित टिनको छाना हालेर घर निर्माण गरेको हो ।
वर्षायामको मौसममा राना सहितका परिवारलाई बस्न समस्या भएपछि मधेशा युवा टिमले आर्थिक सहयोग जुटाएर उनको टिनको छानो हालेर घर निर्माण गरिएको टिमका उतम कार्कीले बताएका छन् ।
मधेशा युवा टिम गठन भए पश्चात् मधेशामा कोरोना संक्रमित र अति विपन्न परिवारलाई खाधन्न सहित स्वास्थ्य सुरक्षा सामग्री उपलब्ध गराउने कार्यमा सक्रिय भइरहेको बेला मधेशाका प्रेम बहादुर रानालाई बसोवास गर्न सहज हुने उद्धेश्यले घर बनाई दिएका छन् ।
प्रेम बहादुर राना झोपडीको घर बनाएर बस्दै आएको खबर मधेशाका स्थानीहरुले खबर गरेपछि मधेशा युवा टिमले जनमजदुर लगाएर उनीहरु आफै जस्तापाता, टयुवेलका सामग्रीका लिएर पुगेका थिए ।
टिमले राहत वितरण गर्ने क्रममा उनको अवस्था दयनीय भएको खबर प्राप्त गरेपछि मधेशाबाट बिदेशमा रहेका युवाहरुको सहयोगबाट बुधवार घर बनाउने कार्यमा जुटेर बस्ने व्यवस्था मिलाइएको छ ।
घर बस्ने व्यवस्था सहित खानेपानीको प्रवन्ध मिलाएपनि रानाको घरमा शौचालय नभएको सो टिमले जनाएको छ ।
रानालाई बस्ने र खानेपानीको समस्या अन्त्य भएपनि उनको घरमा शौचालय समस्या अन्त्य भएको छैन् । शौचालय निर्माणका लागि कोही इच्छुक भए मधेशा युवा टिमलाई सम्र्पक गर्न आग्रह समेत गरेका छन् ।
राना २०५० सालमा मोरङ्गको लेटाङ्गबाट साविकको मधेशामा आएर बसोवास गर्दै आएका थिए । उनको अवस्था कमजोर भएकै कारण घर समेत बनाउन नसकिपछि बल्ल मधेशा युवा टिमले मधेशाबाट बिदेशका रहेका युवाहरुको सहयोगमा घर निर्माण सहित खानेपानीको व्यवस्था मिलाइएको छ ।
एक छोरा सहित तीन परिवार सो घरमा बसोवास गर्ने टिमले जनाएको छ । सहयोग गर्ने सबैमा राना परिवारले धन्यवाद व्यक्त गरेका छन् । दुःखको घडीमा घर सहित खानेपानीको व्यवस्था गरेको हुदाँ कहिल्यै पनि नबिर्सेन रानाले बताए ।
मधेशा युवा टिमका उतम कार्की, रमेश घतानी, अनिश उप्रेती, दिनेश कार्की, समुन विश्वकर्मा, अमित कार्की, बिशाल सुवेदी, रमण फूयेल र आशिष चुहान लगायतका टिमले सहयोग गरेका थिए ।
