इनरुवा । सुनसरीको कोशी गाउँपालिका–८ स्थित दुर्घटनामा परी तीनजनाको मृत्यु भएको छ भने दुईजना सामान्य घाइते भएका छन् ।
आइतवार बिहान पुर्ब पश्चिम लोकमार्गमा पुर्बबाट पश्चिम तर्फ जादै गरेको बा ३ ख ७२२४ नंम्बरको हायसले पश्चिमबाट पुर्ब तर्फ आउदै गरेको स ६ प ४६६१ नंम्बरको मोटरसाइकललाई ठक्कर दिदाँ मोटरसाइकल उछिट्एर रोडबाट तल झरेको र सोही हायसले पुन पश्चिमबाट पुर्ब तर्फ आउदै गरेको को १ च ९३६८ नंम्बरको पिकअपलाई समेत ठक्कर दिंदा ३ जनाको मृत्यु भएको छ भने दुईजना सामान्य घाइते भएका छन् ।
दुर्घटनामा परी सप्तरीको डाक्नेश्वरी ५ बस्ने मोटरसाइकाल चालक २८ बर्षिय उदयत साह र मोटरसाइकाल पछाडी सवार बिराटनगर ९ बस्ने अंदाजी ४० वर्षिय राम प्रसाद शाहको मृत्यु भएको छ । त्यसैगरी पिकअप चालक मोरङग बिराटनगर ७ बस्ने अंदाजी ३५ बर्षिय अक्षय कुमार गुप्ताको मृत्यु भएको हो ।
दुर्घटनामा परी नुवाकोट बिदुर न पा १३ बस्ने ३५ बर्षिय हायस चालक विवस तामाङ् र हायसको सहचालक २५ बर्षको नारायण बत्सयाल सामान्य, घाईतेघाईते भई उपचारको लागी जिल्ला अस्पताल ईनरुवा पठाएको छ ।
