गनेश यादव
इनरुवा । आज अषार १५ किसानका लागि विशेष दिन अर्थात धान दिवस ।
देशैभर धान रोपेर किसानहरुले यो दिवस मनाउँदै छन् । इनरुवा नगरपालिकाका नगर प्रमुख राजन मेहताले पनी धान रोपेर धान दिवस मनाएछन् । इनरुवा नगरपालिका वडा नं ९ स्थित आफ्नो र वडाका किसानहरुको खेतमा गइर नगर प्रमुख राजन मेहता,इनरुवा नगरपालिकाका स्वास्थ्य अधिकृत निखिल पोखरेल,एमालेका जिल्ला सदस्य बसन्त सुबेदी लगायत वडाका किसानहरुले धान रोपेर धान दिवास मनाएको हो ।
नगर प्रमुख मेहताले धान दिवसको अवसरमा इनरुवाका किसानहरुको आधुनिक कृषि खेती तर्फ अग्रसर गराउनका लागि भरपुर प्रयास गरि रहेको बताउँदै यस वर्ष किसानहरुले राम्रो धान फलाउन सफल होस् भन्दै सम्पूर्ण नगर वासिहरुलाई धान दिवसको शुभकामना व्यक्त गरे ।
