इनरुवा । सुनसरीको हरिनगर गाउँपालिकाका जनप्रतिनिधिहरुले धान रोपेर धान दिवस मनाएका छन् ।
असार १५ गते किसानहरुका लागि विशेष दिनका रुपमा धान दिवस मनाउने क्रममा हरिनगरका जनप्रतिनिधिहरुले पनि धान रोपेर धान दिवस मनाएका हुन् ।
देशभरकै किसानहरुले धान रोपेर दिवस मनाएका छन् । यसै क्रममा हरिनगर गाउँपालिकाका अध्यक्ष सहित जनप्रतिनिधिहरुले पनि धान रोपेर दिवस मनाउँदै किसानहरुको मनोवललाई उच्च बनाउने काम गरिएको छ ।
हरिनगर गाउँपालिकाका अध्यक्ष गफार अन्सारी सहित जनप्रतिनिधिहरुले खेतमा गएर धान रोपेर धान दिवस मनाएका छन् ।
हरिनगर गाउँपालिकाका अध्यक्ष गफार अन्सारीले धान दिवसको अवसरमा किसानहरुको आधुनिक कृषि खेती तर्फ अग्रसर गराउनका लागि आफू प्रयासरत रहेको बताए ।
धान दिवसको अवसरमा धान रोप्दै पालिकाका अध्यक्ष अन्सारीले किसानहरुको खेतमा राम्रो धान फलोस् भन्ने शुभकामना समेत व्यक्त गरेका छन् ।
हरिनगर गाउँपालिकाका अध्यक्ष अन्सारी सहितका जनप्रतिनिधिहरुले हरिनगर–५ को बसन्तपुरका किसानको खेतमा गएर धान रोपेर दिवस मनाएको कार्यपालिकाका सदस्य सुशिल कुमार ठाकुरले बताए ।
हरिनगरका अध्यक्ष अन्सारीले यस क्षेत्रका किसानहरु कृषि क्षेत्रमा अधारित भएकाले पालिकाले यसपटक कृषि क्षेत्रलाई बढी प्राथमिकतामा राखिएको बताए ।
किसानहरुको लागि नयाँ योजना र रणनीति सहितको बजेट ल्याएकोले किसानहरु लाभदायि हुने समेत उनले बताए ।
हरिनगरका अध्यक्ष अन्सारीले किसानका लागि सिचाई गर्नका लागि बोरिङ्गको व्यवस्था मिलाउने, समयमै मल बिउको उपलब्ध गराउने, उत्कृष्ट किसानलाई पुरस्कृत गर्ने लगायतको कुरामा आफूले ध्यान दिएको समेत बताए ।
कृषि सहकारी मार्फत किसानहरुलाई सक्षम, योग्य र आत्मनिर्भर बनाउनका लागि प्रयास सुरु गरेको उनले बताए । “अध्यक्ष उपाध्यक्ष बेटी पढाउँ” कार्यक्रम अन्र्तगत गरिब किसानका तीन वटा छोरी भएकाहरुलाई पालिकाबाट शिक्षा प्रदान गर्ने योजनालाई कार्वान्यवयन गर्ने उनको भनाई छ ।
किसानहरुले उत्पादन गरेको तरकारी, धान, गहुँ, आलु, मकै लगायतका कृषिजन्य सामग्रीलाई सुरक्षित साथ राख्नका लागि कोल्डस्टोर निर्माण प्रक्रियालाई अगाडी बढाइएको र बजारमा महँगो मूल्य पाउनका लागि यस स्टोरबाट किसानले सेवा सुविधा पाउने समेत उनले जिकिर गरे ।
धान रोपाई कार्यक्रममा पालिकाका अध्यक्ष गफार अन्सारी, प्रमुख प्रशासकीय अधिकृत भक्त बहादुर खड्का, प्रशासन अधिकृत सुजन दुङ्गेल, वडाध्यक्षहरु अब्दुल लतिफ अन्सारी, सबिब अन्सारी, इसराईल अन्सारी, वडा सदस्य अताबुल अन्सारी, महिला सदस्य बतुलन खातुन लगायतको सहभागिता रहेको थियो ।
