इनरुवा । सुनसरीको इनरुवा नगरपालिका सहित दक्षिण ग्रामिण सीमावर्ती क्षेत्र जलमग्न भएको छ । गएरातीको वर्षाका कारण इनरुवा सहित दक्षिण सीमावर्ती क्षेत्र डुवानमा परेको हो ।
सुनसरी खोलामा आएको बाढीका कारण इनरुवा सहित दक्षिण सीमावर्ती ग्रामिण क्षेत्र डुबानमा परेको स्थानीय संवाददाताहरुले जनाएको छ ।
इनरुवाको करिब १० वटै वडामा पानी पसेपछि उनीहरुमा डुबानमा परेका छन् भने हरिनगर, देवानगंज, बर्जु, कोसी र भोक्राहा नरसिंह गाउँपालिका लगायतका पालिकाका बिभिन्न ठाउँहरुमा वर्षाका पानीबाट सर्वसाधारणहरु डुबानमा परेका छन् ।
सुनसरी खोलामा आएको बाढीका कारण इनरुवा–९ बवियामा अधिकांश घरहरु डुबानमा परेका छन् । सदरमुकाम इनरुवादेखी दक्षिण ग्रामिण सीमावर्ती क्षेत्रसँग जोड्ने मुल सडकको रुपमा रहेको हुदाँ वर्षाका पानीले गर्दा आवतजावत समेत बन्द भएका छन् ।
सदरमुकाम इनरुवादेखी दक्षिण कप्तानगंज जाने मुल सडकको रुपमा रहेको एकमात्र सडक हो । इनरुवा–९ बवियाको शर्माटोल नजिककै सुनसरी खोलाको बाढी आएपछि मुलसडकमै पानी जमेपछि सर्वसाधारणलाई आवतजावत बन्द भएको छ ।
इनरुवा–९ बवियाको करिब एक किलोमिटर सुनसरी खोलाको पानी सडकमै बग्न थालेपछि सर्वसाधारणहरुलाई आवतजावत गर्न समस्या भएको हो । ठूला तथा साना सवारी साधनहरु समेत बन्द भएको छ ।
इनरुवाको बवियामा सडकबाट नै पानी बग्न थालेपछि सर्वसाधारणहरु बैक्लपिक बाटोहरु प्रयोग गर्ने गरेका छन् । सहयक बाटोहरु प्रयोग गरेपनि त्यहाँका हिलाम्य बाटोबाट आवतजावत गर्न समस्या उस्तै छ ।
ठूला तथा साना सवारी साधनहरु सहायक बाटो प्रयोग गर्ने अवस्था पनि छैन् । मुल सडक बन्दभएपछि सदरमुकाम इनरुवा आउन इनरुवा नगरपालिकाकै जनताहरुलाई समस्या भएको छ ।
इनरुवा नगरपालिकाका वडा नम्बर ९ र १० का सर्वसाधारणहरुलाई समेत सदरमुकाम इनरुवा आउन समस्या हुने गरेको छ ।
त्यसैगरी हरिनगर गाउँपालिका अन्र्तगतर भुटाहा र हरिनगराको मरिया खोलामा समयमा पुल निर्माण हुन सकेपछि सदरमुकाम इनरुवा आउन समस्या भएको हो । भुटाहा र हरिनगरको मरिया खोलामा बैक्लिपक फलामे पुल बनाएपनि सो खोलाको पानीले दुबैतर्फ पानीको वहाब बढनथालेपछि आवतजावत गर्न समस्या भएको छ ।
हरिनगरको गौतमपुर(नयाँ हाट) बाट जल्पापुर हुँदै इनरुवा आउने सहायक बाटोको प्रयोग गर्दा पनि बीच सडकहरुमा नै पानी बग्न थालेपछि झन समस्या भएको हो । सहयाक बाटो जल्पापुरको इदगाहा र बवियाको सडकमा पानी बग्न थालेपछि सर्वसाधारणहरुलाई आवतजावत गर्न समस्या हुन थालेको हो ।
इनरुवा नगरपालिका र हरिनगर गाउँपालिकाले समन्वय गरेर आवतजावतका लागि समन्वयकारी भूमिका निर्वाह गर्न आवश्यक देखिन्छ ।
