इनरुवा । अविरल वर्षाका कारण डुवानमा परेका घर परिवारलाई इनरुवा नगरपालिकाले तत्काल राहत वितरण गर्ने कार्य थालेको छ ।
डुबानमा परेका इनरुवा–३ कंसमडान क्षेत्रका ८१ घरपरिवारलाई इनरुवा नगरपाकिलाले तत्काल राहत वितरण गर्दै नगर क्षेत्रमा राहत बितरण कार्य थालेको छ ।
इनरुवा नगरपालिकाका नगर प्रमुख राजन मेहता सहितको जनप्रतिनिधिको टोलीले नगर क्षेत्रका बिभिन्न वडाको डुबान क्षेत्रमा निरीक्षण गरि प्रभावित क्षेत्रमा क्रमश राहत पुयाउने क्रम लाइ तिब्रता दिदै इनरुवा–३ कंसमडान क्षेत्रको मुसहर बस्ती का बाढी प्रभावित ८१ घरपरिवार लाइ राहत वितरण गरेको छ ।
राहत सामग्रीमा जनही १ प्याकेट भुजा, १ केजी चुरा, १ प्याकेट पानी र १ केजी नुन वितरण गरेको नगर प्रमुख मेहताले बताए ।
गएरातीको वर्षाका कारण उनीहरुको घरघरमा पानी पसेर चुल्हाचौका समेत बन्द भएको र खान समेत समस्या भएका कारण तत्काल ६० घरपरिवारलाई राहत सामग्री वितरण गरेको उनको कथन छ । इनरुवा–३ सँगै अन्य वडामा समेत वर्षाका पानी घरघरमा पसेकाले उनीहरुलाई पनि राहत सामग्री वितरण गर्ने उनले बताए ।
नगरपालिकाले बिभिन्न सहयोगी संस्थाहरुसँग समन्वय गरेर राहत वितरण गरेको हो । नगरपालिकाको कोषबाट रकम खर्च नगरीकन बिभिन्न दातृसंस्था, सहयोगी मन भएका व्यक्तिहरु र सरोकारवालासँग समन्वय र सहकार्य गरी तत्काल बाढी पीडित परिवारलाई राहत उपलब्ध गराएको नगरप्रमुखको भनाई छ ।
बाढीले समस्या हुने गरेका ठाउँहरुमा सर्वसाधारणलाई सुरक्षित गनतब्य तिर बस्न पनि नगरप्रमुख मेहताले आग्रह गरेका छन् ।
बाढीबाट प्रभावित वडाहरु १,२,३,४,८,९ र १० वडाका जनतालाई सुरक्षित ठाउँमा बसाईसराई हुन नगरप्रमुख मेहताले आग्रह गर्दै सो वडाहरुमा पनि बाढीबाट प्रभावित भएका घरपरिवारको नामावली संकलन गरी वडा मार्फत राहत वितरण गर्ने समेत उनले बताए ।
