इनरुवा । सुनसरीको इनरुवामा सुरक्षित आप्रवासन परियोजना सामीले आप्रावसन कामदारहरुको संजाल क्षमता अभिबृद्धि सम्वन्धि दुई दिने अन्तरक्रिया कार्यक्रम सम्पन्न भएको छ ।
सामुदायिक विकास संस्था(सिडिओ) सुनसरीको आयोजना सामी र हेल्भेटासको सहयोगमा आप्रावासन संजालका पदाधिकारीहरुलाई क्षमता अभिबृद्धि सम्वन्धि दुई दिने अन्तरक्रिया कार्यक्रम सम्पन्न भएको हो ।
आप्रवासन हकहित संरक्षण केन्द्रका पदाधिकारी सहित कोभिडका कारण बिदेशबाट फर्किएका युवा र बिदेश गएका घरपरिवार सम्वन्धित व्यक्तिहरुलाई क्षमता अभिबृद्धि सम्वन्धि अन्तरक्रिया कार्यक्रम मार्फत विदेशिक रोजगारको वर्तमान अवस्थाका बारेमा छलफल समेत गरेका थिए ।
बिदेशबाट फर्केका युवाहरुले निर्माण गरेको हकहित संरक्षण केन्द्रलाई नविकरण गरी पुरानै अवस्थामा फर्काउने समेत छलफल भएको थियो ।
कोभिड १९ को दोश्रो लहरका कारण विदेशमा समस्या परेका, घर फर्कन समस्या भएका, विदेशमा मृत्यु भएका, ठगीमा परेका, मेनपावरले सम्झौता गरे अनुसार तलब नपाएका लगायतका विषयमा सहभागी भएकाहरुलाई सामी परियोजनाले गर्ने कामका बारेमा जानकारी समेत गराइएको थियो ।
सामी परियोजनाले वैदेशिक रोजगारी सम्वन्धि कुनै पनि समस्या भएका व्यक्तिहरुलाई आप्रवासी श्रोत केन्द्र सुनसरीले निःशुल्क परामर्श सहित कानुनी बाटोमा सहयोग गर्ने भएकाले हकहित संरक्षण केन्द्रलाई क्रियाशिल बनाई वैदेशिक रोजगारी सम्वन्धि आएका समस्या समाधानका लागि काम गनुपर्ने सहभागीहरुलाई उजागर गरेका थिए ।
कोभिड १९ कोरोना महामारीको बेला वैदेशिक रोजगारमा जान चाहने युवाहरुले जिल्ला प्रशासन कार्यालय सुनसरी भित्र रहेको आप्रवासी श्रोत केन्द्रबाट निःशुल्क परामर्श दिइरहेको सामी परियोजनाका परामर्शकर्ता प्रमोद मेहताले जानकारी दिए ।
उनका अनुसार विदेश गएका युवाहरुलाई कुनै समस्या भएको खण्डमा श्रोत केन्द्रमा उजुरी वा जानकारी गराए आफूहरुले निःशुल्क कानुनी उपचारमा सामी परियोजनाले सहयोग गर्दै आइरहेको छ ।
वैदेशिक रोजगारको वर्तमान अवस्था, असर र चुनौती तथा सामी परियोजनाको परिचय लगायतको विषयमा सामी परियोजनाका जिल्ला अधिकृत देव नारायण चौधरी र कार्यक्रम संयोजक धिरज भट्टराईले सहजीकरण गरेका थिए ।
आप्रावसन हकहित संरक्षण केन्द्र सुनसरीका अध्यक्ष सर्वन धामीको अध्यक्षतामा कार्यक्रम सम्पन्न भएको थियो ।
