हरिनगर । हरिनगर गाउँपालिका वडा नम्बर–४ मा खाधय सुरक्षा समिति गठन भएको छ । हरिनगर–४ को वडाध्यक्ष सुदीलाल मेहताको संयोजकत्वमा १५ सदस्यीय समिति गठन भएको हो ।
हरिनगर गाउँपालिका स्वास्थ्य इकाईले क्षेत्रीय पोषण अन्र्तगत ७ वटै वडाहरुमा वडा स्तरीय खाधय सुरक्षा समिति गठन गर्ने क्रममा वडा नम्बर–४ मा पनि वडाध्यक्ष मेहताको संयोजकत्वमा १५ सदस्यीय समिति गठन भएको हरिनगर–४ को वडा कार्यालयले जनाएको छ ।
सदस्यहरुमा प्राथमिक स्वास्थ्य केन्द्रका प्रमुख माधवलाल देव, कृषि शाखाका प्रमुख लक्ष्मी मेहता, पशुशाखाका प्रमुख मनोज यादव, महिला स्वास्थ्य स्वंयसेविकाहरु सुशिला झा, रीतादेवी मेहता, सामुदायिक र धार्मिक विधालयतर्फबाट श्यामदेव मेहता र गणेश साह, राजनीतिक दलको तर्फबाट हिरालाल पाल र सत्य नारायण मेहता, इलाका प्रहरी कार्यालय हरिनगरको प्रमुख भूपेन्द्र ढुङ्गाना र वडा सदस्यहरु राजेश कुमार पाल, चन्चल भुजेल, चन्द्रावती देवी राम तथा लखन महतो रहेका छन् ।
यसअघि हरिनगर गाउँपालिका १ र २ वडामा समेत खाधय सुरक्षा समिति गठन भइसकेको छ । हरिनगर गाउँपालिका वडा नम्बर–१ का वडाध्यक्ष लतिफ मियाँको संयोजकत्वमा १७ सदस्यीय समिति गठन भएको छ । त्यसैगरी वडा नम्बर–२ का वडाध्यक्ष युनुस मियाँको संयोजकत्वमा १९ सदस्यीय खाधय सुरक्षा समिति गठन गरिसकेको स्वास्थ्य शाखा हरिनगरले जनाएको छ ।
वडा स्तरीय खाधय सुरक्षा समितिको गठन गर्दा बहुक्षेत्रिय पोषण कार्यक्रमबारे अभिमुखिकरण समेत गरिएको थियो । बहुक्षेत्रिय पोषण कार्यक्रम अन्तरगत प्रदेश १ सरकार र स्थानीय सरकारको सहयोगमा पालिकाको ७ वटै वडामा कार्यक्रम संचालन हुन लागेको हो ।
खाधय सुरक्षा समितिले महिलाहरु गर्भवति भएदेखि बच्चा जन्मेको दुई वर्षसम्म अर्थात एक हजार दिनसम्म हेरचाह गर्ने, बच्चा कुपोषण हुन नदिनका लागि जनचेतना कार्यक्रम गर्ने, हरिनगर गाउँपालिका र प्रदेश १ सरकारको साझेदारीमा गर्भवति महिला र जन्मेको बच्चाको स्वास्थ्यको ख्याल गरी उपचार समेत गर्नेछ ।
