बराहक्षेत्र । नेपाली कांग्रेसको १४ औं महाधिवेशनको रौनक सुनसरीको वराहक्षेत्र नगरपालिकामा देखिन थालेको छ । वडा तहदेखि केन्द्रसम्मका पदमा नेतृत्व र प्रतिनिधित्व गर्ने नेताहरु तयारीमा व्यवस्था भइ रहदाँ वराहक्षेत्र नगरपालिकाका दुई वटा वडामा महाधिवेशन सफल पार्ने व्यवस्थापन समिति समेत गठन भएको छ ।
साउन १२ गते हुने वडा अधिबेशनलाई लक्षित गर्दै वडा नं १ र २ ले महाधिवेशन व्यवस्थापन समिति गठन गरेका हुन् । क्रियाशिल नविकरण र बितरणमा कुनै बिवाद नभएको दुई वटामा सर्वसम्मत रुपमा महाधिवेशन व्यवस्थापन समिति गठन भएको छ ।
नविकरण भएको ६४ र नयाँ एक सय १७ गरेर वराहक्षेत्र–१ मा एकसय ८१ जना क्रियाशिल रहेको वडामा १४ औं महाधिवेशनलाई सफल पार्ने वडा अधिवेशलाई केन्द्रीत गर्दै लोकबहादुर दाहालको संयोजकत्वमा व्यवस्थापन समिति र दिनेश घिमिरेको संयोजकत्वमा आर्थिक समिति समेत गठन गरिएको छ । शनिवार वडा नम्बर–१ मा सभापति ईश्वर थापाको अध्यक्षतामा वसेको बैठकले सो निर्यण गरेको हो ।
शनिवार नै वडा नम्बर–२ मा सभापति प्रदिप बस्नेतको अध्यक्षतामा बसेको बैठकले पनि वडा अधिवेशनलाई सफलता पुर्बक सम्पन्न गर्ने ब्यवस्थापन समिति गठन गरेको छ । नगर सभापति नारायण नेपाल , जिल्ला सदस्य दिपेशजंग बस्नेत,महाधिवेशन प्रतिनिधि हमरबहादुर परियार लगायतको उपस्थितिमा बसेको बैठकले युवराज भट्टराईको संयोजकत्वमा व्यवस्थापन समिति गठन गरिएको हो ।
बराहक्षेत्र–२ मा नविकरण भएका एकसय ३२ र नयाँ एकसय ४० गरेर दुईसय ७२ जना क्रियाशिल सदस्य रहेका छन् ।
बोलबम धर्मशालामा आयोजना भएको बराहक्षेत्र–१ को बैठकमा नेपाली कांग्रेसका प्रभावशाली नेता समेत रहेका केन्द्रीय सदस्य मिनबहादुर बिश्बकर्मा, नेपाली कांग्रेसका नेता तथा प्रदेश–१ का निवर्तमान प्रदेश प्रमुख गोबिन्द सुब्बा, नेपाल दलित संघका केन्द्रीय सदस्य गोबिन्द परियार, महाधिवेशन प्रतिनिधि समेत रहेका बराहक्षेत्र–१ का वडाध्यक्ष सुरेश श्रेष्ठ लगातको समेत उपस्थिति रहेको थियो ।
बैठकलाई सम्बोधन गर्दै नेपाली कांग्रेसका केन्द्रीय सदस्य मिनबहादुर बिश्नकर्माले अधिवेशन हुने कुरामा कुनै शंका नरहेको बताए । उनले अधिबेशनलाई उत्सबको रुपमा लिन समेत आब्हान गरेका थिए । उनले भने, ‘नेपालबाट कम्युनिस्ट बिस्थापित गर्ने जिम्मा कांग्रेसको हो ।’
त्यसकालागि हामी एक हुनु पर्छ । हामी बिचका तिक्कता हट्नु पर्छ । १४ औं महाधिवेशनमा सबै तहमा कार्यक्रमदेखि केन्द्रीय तहमा नेताहरुले हार्दिकताका साथ प्रतिस्पर्धा गर्नेु पर्छ । नेपालबाट कम्युनिस्टलाई बिस्थापित गराउने जिम्मा कांग्रेस र कांग्रेसलाई जिताउने जिम्मेवारी कांग्रेसका तल्लो तहका आम क्रियाशिल सदस्यहरुको भुमिका रहने उनले जिकिर गरे ।
कोरोना भाइरस , बाढि पहिरो र केपि ओलीले निम्ताएको असबैधानिक कदमबाट उत्पन्न परिस्थितिका कारण महाधिवेशन हुने कुरामा केही समस्या रहेता पनि अधिबेशन हुने कुरामा कुनै शंका गर्ने विश्बकर्माले दाबि गरे । उनले भने, “हार्दिकताका साथ प्रतिस्पर्धा गरौं , तिक्कताले हैन” भन्ने मुल नारा लिएर महाधिवेशन गर्नु पर्छ ।
६० प्रतिशत स्थान र पदमा सर्वसम्मत नेतृत्व चयन गर्न सके मात्र कांग्रेसमा थप उत्साह आउने अनि मात्र आम निर्वाचनमा कांग्रेस बिजय हुन्छ । अधिवेशनमा राम्रा मान्छे अगाडि बढ्न समेत उनले आग्रह गरेका थिए ।
साउन १२ गते वडा अधिवेशनबाट सुरु नेपाली कांग्रेसको केन्द्रीय महाधिवेशन भाद्र १६–१९ गते सम्म काठमाडौमा हुदैछ । यस बिचमा साउन १६ गते पालिका , साउन २० गते क्षेत्रिय प्रदेश सभा , साउन २३ गते संघिय निर्वाचन क्षेत्रिय अधिवेशन एक निर्बाचन भएको जिल्लामा , साउन २६ गते जिल्ला अधिवेशन एक निर्वाचन क्षेत्र भन्दा बढि जिल्लामा र भाद्र १ र २ गते प्रदेश अधिवेशनको मिति संशोधन गरेर केन्द्रीय समितिले मितिको निर्धारण गरेको छ ।
