कोसी । सुनसरीको कोसी गाउँपालिकाका सञ्चालित पशु पकेट क्षेत्र विकास कार्यक्रम अन्र्तगत किसानहरुलाई बंगुरको पाठा वितरण गरिएको छ ।
कोसी गाउँपालिकाका विभिन्न वडाका किसानहरुलाई उन्नत जातका बंगुरको पाठा वितरण गरिएको हो । सो गाउँपालिकामा बंगुरपालक किसानहरुलाई बंगुर व्यवसायलाई प्रभावकारी बनाई व्यवसायीक् बनाउन जम्मा ६५ वटा पाठा र दुई वटा वीर जातको बंगुर वितरण गरिएको कोसी गाउँपालिकाका पशु शाखाले जनाएको छ ।
त्यसैगरी नवदुर्गा बंगुरपालक कृषक समुहलाई २५ वटा पाठा र एक वटा वीर जातको बंगुर वितरण गरिएको छ भने सप्तकोसी बाढी पीडिछ सामुदायिक विकास संस्थालाई ३० वटा पाठा र एक वटा वीर जातको बंगुर प्रदान गरिएको छ । सुरज बंगुरपालन समुहलाई १० वटा बंगुरको पाठा गाउँपालिकाका कार्यपालिका सदस्य श्यामसुन्दर सिंहले हस्तान्तरण गरेका हुन् ।
बंगुर पकेट क्षेत्र विकास कार्यक्रमका लागि आव्हान भएको सार्वजनिक सूचना बमोजिम आवेदन दिने समूह÷फर्महरु मध्ये कोसी गाउँपालिकाका प्रमुख प्रशासकीय अधिकृत खगेन्द्र गिरी संयोजकत्वको प्राविधिक समितिको सिफारीश बमोजिम पकेट क्षेत्रका लागि समूह छनौट गरिएको हो ।
सोमवार वितरण गरिएको बंगुर ठेक्का प्रकृयाबाट छनौट भएका आपुर्तीकर्ता भूमि एग्रिकल्चरले आपुर्ती गरेको कोसी गाउँपालिकाका पशु शाखा प्रमुख गोसाई यादवले बताए ।
बंगुर लिने नवदुर्गा बंगुर पालन समूहका सदस्य एंव बंगुर पालक कृषक सुनिता उरावँले गाउँपालिकाले उन्नत जातको बंगुर उपलब्ध गराएकोमा खुशि व्यक्त गर्दै यसले व्यवसाय गर्न थप प्रोत्साहन मिल्ने बताईन् ।
त्यस्तै किसान ब्रह्मदेव उरावँले पकेट कार्यक्रमबाट प्राप्त बंगुरको पाठा र वीरबाट नश्ल सुधार भई व्यवसाय फस्टाउने विश्वास व्यक्त गरे ।
कार्यक्रममा कार्यपालिका सदस्य श्यामसुन्दर सिंहले कृषकहरुलाई व्यवसायीक योजना बनाएर पशुपालन गर्ने कृषकलाई सहयोग गर्न गाउँपालिका सदैव तत्पर रहेको बताए ।
