हरिनगर । हरिनगर गाउँपालिकाले महिला स्वास्थ्य स्वंयसेविकाहरुलाई सम्मान गरेको छ । हरिनगर गाउँपालिकाको स्वास्थ्य इकाईले हरिनगर गाउँपालिकामा कार्यरत रहेका महिला स्वास्थ्य स्वंयसेविकाहरुलाई सम्मान गरेको हो ।
हरिनगर गाउँपालिकाको स्वास्थ्य इकाईले हरिनगर गाउँपालिका वडा नम्बर–३,४,५,६ र ६ का महिला स्वास्थ्य स्वंयसेविकाहरुलाई एक कार्यक्रमकाबीच सम्मान गरेका हुन् ।
दोश्रो चरणको कोभिड महामारीको बेला महिला स्वास्थ्य स्वंयसेविकाहरुले पालिका क्षेत्रमा पुर्याएको योगदानको कदर गर्दै हरिनगर गाउँपालिकाले सम्मान गरिएको स्वास्थ्य इकाई हरिनगरका प्रमुख प्रकाश थापा मगरले जनाएको छ ।
उनका अनुसार हरिनगर गाउँपालिका वडा नम्बर–३ गौतमपुरका ११ जना, हनिगगरा–४ का १९ जना, बसन्तपुर–५ का १४ जना घुस्की ६ र ७ का १९ जना गरी ६३ जना महिला स्वास्थ्य स्वंयसेविकाहरुलाई सम्मान गरिएको हो ।
हरिनगर–१ र २ वडाका २६ जना महिला स्वास्थ्य स्वंयसेविकाहरुलाई पनि सम्मान गरिने बताइएको छ । बिहिवार मौसमका कारण गर्न नसकिएकोले अर्के दिन उनीहरुलाई सम्मान गरिने स्वास्थ्य शाखाले जनाएको छ ।
हरिनगर गाउँपालिकाका ६३ जना महिला स्वास्थ्य स्वंयसेविकाहरुलाई जनही पोशाक सेट र एक वटा छाता प्रदान गरिएको स्वास्थ्य शाखा हरिनगरले जनाएको छ ।
महिला स्वास्थ्य स्वंयसेविकाहरुलाई सम्मानमा जनही स्वंयसेविका पोशाक अर्थात एक÷एक वटा साडी सेट र एक÷एक वटा छाता प्रदान गरिएको बताइएको छ ।
हरिनगर गाउँपालिकाका अध्यक्ष गफार अन्सारीले महिला स्वास्थ्य स्वंयसेविकाहरुलाई मनोबल उच्च बनाउन र कामको उच्च मुल्याङ्कन गर्दै सम्मान स्वरुप पोशाक र छाता वितरण गरिएको बताए ।
दोश्रो चरणको कोभिड १९ को महामारीमा प्रत्येक वडा–वडामा उनीहरुले खेलेको भूमिका र स्वास्थ्य क्षेत्रमा पहुँच पुगाउनका लागि सर्वसाधारणको घरदैलोमा पुगेर सहजता गरेको हुदाँ सम्मान गरेको उनले बताए ।
हरिनगर गाउँपालिकाकी उपाध्यक्ष रिमझिम कुमारी भगतले वर्षमा एक पटक महिला स्वास्थ्य स्वंयसेविकाहरुलाई सम्मान कार्यक्रमलाई निरन्तरता दिएको बताईन् ।
उपाध्यक्ष भगतले महिला स्वास्थ्य स्वंयसेविकाहरुले वडा–वडामा प्रत्येक घरमा सूचना प्रवाह गर्दै आएको, सर्वसाधारणहरुलाई स्वास्थ्य केन्द्रमा पठाउने गरेको र सेवाग्राहीको घर–घरमा गएर सेवा सुविधा प्रदान गर्दै आएकोले सम्मान स्वरुप उनीहरुलाई पोशाक र छाता वितरण गरिएको बताईन् ।
हरिनगर गाउँपालिकाका प्रमुख प्रशासकीय अधिकृत भक्तबहादुर खड्काले स्वास्थ्य क्षेत्रमा पालिकालाई काम गर्न सहज वातावरण सिर्जना गरेको हुदाँ स्वंयसेविकाहरुलाई सम्मान गरेको बताए । वर्षायामको मौसम र घाम भएको बेलामा छाता लिएर सबै सेवाग्राहीको घरमा पुग्ने भएकोले उनीहरुलाई पालिकाबाट सम्मान गरेको उनले बताए ।
हरिनगर गाउँपालिकाका ६३ जना महिला स्वास्थ्य स्वंयसेविकाहरुले पोशाक र छाता पाएपछि खुशी हुँदै पालिकालाई धन्यवाद समेत दिएका थिए ।
