हरिनगर । मुस्लिम धर्मावलम्बीहरुको मुर्हरम पर्वको अवसरमा सुनसरीका अधिकांश पालिकाहरुले आज शुक्रवार बिदा दिएका छन् । मुस्लिम धर्मावलम्बीहरुको मुर्हरम पर्वलाई मध्यनजर गर्दै पालिकाहरुले विदा दिएको हो ।
सुनसरीको इनरुवा नगरपालिका, हरिनगर र कोसी गाउँपालिकाहरुले मुस्लिम धर्मावलम्बीको मुर्हरम पर्वको अवसरमा विदा दिएका छन् ।
इनरुवा नगरपालिकाले मुस्लिम धर्मावलम्बीहरुको महान पर्व मुर्हरमको अवसरका सार्वजनिक विदा घोषणा गरेको छ । इनरुवा नगरपालिकाका नगरप्रमुख राजन मेहताद्धारा हस्ताक्षरित सूचनामा भदौ ४ गते मुर्हरम पर्वको अवसरमा विदा दिएको उल्लेख गरिएको छ । नगरप्रमुख मेहताले मुस्लिम धर्मावलम्बीहरुको मुर्हरम पर्वको अवसरमा शुभकामना समेत व्यक्त गरेका छन् ।
त्यसैगरी हरिनगर गाउँपालिकाले पनि मुर्हरमको अवसरमा भदौ ४ गते शुक्रवारका दिन विदा घोषणा गरेको छ । हरिनगर गाउँपालिकाका निमित प्रमुख प्रशासकीय अधिकृत माधवलाल देवद्धारा हस्ताक्षरित सूचनामा मुस्लिम धर्मावलम्बीहरुको मुर्हरम पर्वको अवसरमा स्थानीय विदा दिएको उल्लेख गरिएको छ ।
हरिनगर गाउँपालिका मुस्लिम बाहुल्य क्षेत्र भएको र मुस्लिम धर्मावलम्बीहरुले मुर्हरम पर्व भब्यताका साथ प्रत्येक वर्ष मनाउँदै आएकोले भदौ ४ गते शुक्रवारका दिन विदाको घोषणा गरीएको छ । हरिनगर गाउँपालिकाका अध्यक्ष गफार अन्सारीले मुस्लिम धर्मावलम्वीहरुको मुर्हरमका पर्वको अवसरमा विदा दिएको बताए । स्थानीय सरकारको हैसियतले सबै धर्म,संस्कृति, रितिरीवाज, परम्परालाई सम्मान गरेकोले मुस्लिम धर्मावलम्बीहरुले मनाउने मोहर्रम पर्वको अवसरमा पनि एक दिन विदा दिएको उनले बताए ।
त्यसैगरी कोसी गाउँपालिकाले पनि मुर्हरम पर्वको अवसरमा भदौ ४ गते शुक्रवारका दिन विदा दिएको छ । कोसी गाउँपालिकाको भदौ ३ गते बिहिवार बसेको बैठकले भदौ ४ गते शुक्रवारका दिन पर्वको अवसरमा स्थानीय विदा दिएको जानकारी गराएका छन् ।
कोसी गाउँपालिकामा मुस्लिम धर्मावलम्बीहरुको उल्लेखनिय जनसंख्या रहेको भन्दै शुक्रवार एक दिन स्थानीय विदा दिएको कोसी गाउँपालिकाका प्रमुख प्रशासकीय अधिकृत खगेन्द्र गिरीद्धारा हस्ताक्षरित सूचनामा उल्लेख गरिएको छ ।
कोसी गाउँपालिकाका अध्यक्ष ऐयुव अन्सारीले मुस्लिम धर्मावलम्बीहरुको महान पर्व मुर्हरमको अवसरमा शुभकामना व्यक्त गरेका छन् । कोरोना महामारीमा सामाजिक दुरी कायम गरेर मोहर्रम पर्व मनाउन कोसीका अध्यक्ष अन्सारीले मुस्लिम धर्मावलम्बीहरुलाई आग्रह गर्दै भीडभाड नगरीकन शान्त वातावरणमा मनाउनु पर्नेमा जोड दिएका छन् ।
