ताविल अंसारी
हरिनगर । नेपाल सरकारले हालै बनाएको हुलाकी राजमार्गमा सवारी दुर्घटना ह्वातै बढेको छ । हुलाकी राजमार्गमा दिनाहुँदिन गम्भिर सवारी दुर्घटना बढ्न थालेपछि स्थानीयहरु समेत त्रसित बनेका छन् ।
सुनसरीको बर्जु गाउँपालिकाको कैशलिया पुल देखि पश्चिम हरिनगर ,भोक्राहा नरसिंह ,कोशी गाउँपालिका अन्तर्गत महेन्द्र राजमार्गको फुलचौक जोडने हुलाकी राजमार्ग दुई किलोमिटर बाहेक सबै कालोपत्रे भई सकेको छ । सुनसरी जिल्लाको पश्चिम तर्फबाट आउने सवारी साधनहरु १ नम्बर प्रदेशको राजधानी बिराटनगर सम्म जाने कम दुरी तथा फास्ट ट्रयाकको रुपमा रहेका यस हुलाकी राजमार्गमा सवारी साधनहरुको चाप बढेको छ ।
हरिनगर गाउँपालिकाको सुनसरी मरिया खोलाको पुल निर्माधिन अवस्थामा रहेकाले पनि वर्षायाममा चार चक्का वा सो भन्दा बढि चक्काका सवारी साधनहरु कम गुडेता पनि सुख्खा याममा तलको खोलाको डाइर्भसनबाट पारभई बढि गुडने गरेका छन् ।
वर्षातपछि हुलाकी राजमार्ग फुलचौक खण्डको दुई किलोमिटर सडक कालोपत्रे भइ सकने , भुटाहा मरिया खोलाको पुल पनि निर्माण भइ सकने भएकाले हुलाकी राजमार्गमा साना सवारी साधन देखि ठुलठुला मालबाहक सवारी साधनहरु , एम्बुलेन्सहरु , यात्रुबाहक सवारी साधनहरु पूर्ण रुपमा सुचारु भई सवारी चाप बढने निश्चित छ ।
चिल्लो सडकका कारण तिब्र गतिमा सवारीसाधनहरु चलाउने गरेकाले सवारी दुघर्टनाहरु बढेकोको प्रत्यक्षदर्शीहरु बताउँछन् । सुनसरी खोलाको भुटाहा–नरसिंह खण्डको पुल देखि पश्चिमको बाटो सिधै मोडिएको , त्यस भन्दा पाँचसय मिटर पश्चिम पनि सिधै सडक उत्तर तर्फ मोडिएको हुँदा तिब्र गतिमा रहेका सवारी साधनहरु मोडन नसकि सिधै गएर पल्टिने ,ठोकिने गरेको हँुदा यस्ता ठाँउमा यस्तै प्रकृतिका दर्जनौं सवारी दुघर्टना भई सकेको स्थानीय अब्बास अंसारीले बताए ।
उनका अनुसार केही दिन अगाडी मधुवनका तीनजना युवाहरुले एउटै मोटरसाइकलमा सवार भई तिब्र गतिमा जाँदै गर्दा मोडमा गाडी मोडन नसकेर सडक छेउमा रहेको क्रेटिङमा ठोकिएर एक जनाको ज्यान समेत गएको थियो । यस्तै प्रकृतिका सवारी दुघर्टनाहरु हरिनगर बजार देखि पुर्व चिमडी सम्म प्रायः हुँदै आएको स्थानीयहरुले बताए ।
प्रायः ग्रामीण क्षेत्रबाट गएको यस हुलाकी राजमार्गमा ट्राफिक व्यवस्थापन भएको छैन् । ठाउँ ठाउँमा ट्राफिक चेकपोष्ट खडा गरि सवारी
साधनहरुको गति कन्ट्रोल तथा जनतामा ट्राफिक चेतना फैलाउनु पर्ने स्थानीयहरुले माँग गरेका छन् । अहिले हरिनगर , भोक्राहा नरसिंह खण्डको हुलाकी राजमार्गको सडक दुर्घटनाको तत्काल उद्धारको काम लौकही ट्राफिक प्रहरी कार्यालयले देख्ने गरेका छन् । सडक छेउहरुमा ट्राफिक संकेतका हुडिङग बोर्डहरुको व्यवस्थापन गरिएको छैन जसका कारण सवारी गति , सडक मोडहरु थाहा नपाई सडक दुघर्टनाहरुले तिब्रता पाई रहेको ट्राफिक विज्ञहरु बताउँछन् ।
यसै सम्बन्धमा हरिनगर गाउँपालिकाका अध्यक्ष गफार अंसारीले पश्चिम तर्फका सवारी साधनहरु बिराटनगर सम्म जानलाई इटहरी हुँदै घुमाउरो भएर जानु पर्दा लामो दुरी र ट्राफिक जामका कारण बढि समय खर्चिनु परेको अवस्थामा अब यस हुलाकी राजमार्गबाट कम दुरी र कम समयमा आवत जावत गर्न सजिलो भएको हुँदा सवारी साधनहरुको चाप बढेको छ, समयमा नै ट्राफिक व्यवस्थापन गर्न नसके सडक दुघर्टना भयावह हुन सक्ने बताउँदै सम्बन्धित निकायको ध्यार्नाकषण गराएको बताए ।
