इनरुवा । सुनसरी लगायत मुलुकभर आज रक्षावन्धन पर्व मनाइदैछ । सुनसरीको इनरुवा लगायत आसपास क्षेत्रमा रक्षावन्धन पर्वको रौनक त्यती खासै बढेको देखिदैन् ।
कोरोना भाइरसका कारण रक्षा वन्धन पर्वमा खासै रौनक देखिएको पाइदैन् तथापी दिदीबिहिनीले दाजुभाईलाई पवित्र धागो बाँधेर पर्व मनाउँदै छन् । नेपाल भारतको रोटी र बेटीको सम्वन्ध भएकोले रक्षा वन्धनमा नेपालबाट भारत र भारतबाट नेपाल आएर आफना दाजुभाईलाई दिदिबहिनीहरुलाई धागो बाँधेर रक्षावन्धन पर्व मनाइन्छ ।
कोरोना भाइरसका बीच रक्षावन्धन पर्वले दाजुभाई र दिदिबहिनिीको सम्वन्ध प्रगाढ हुने गरेकोले यस पर्वलाई निरन्तरता दिदै आएको छ । सुनसरीको इनरुवा नगरपालिका, हरिनगर, देवानगंज, बर्जु, कोसी, भोक्राहा नरसिंह गाउँपालिका लगायतमा रक्षावन्धन पर्व मनाउँदै छन् । इनरुवा नगरपालिकाका नगरप्रमुख राजन मेहताले रक्षावन्धन पर्वको अवसरमा शुभकामना व्यक्त गरेका छन् । उनका अनुसार कोरोना भाईरसलाई मध्यनजर गर्दै सामाजिक दुरी कायम र भीडभाड नगरीकन पर्व मनाउन आग्रह गरेको हो ।
हरिनगर गाउँपालिकाका अध्यक्ष गफार अन्सारीले सीमावर्ती क्षेत्र पालिका भएकोले सुरक्षा व्यवस्था कडा पारिएको बताए । हरिनगर गाउँपालिक भारतँग जोडिएको पालिका भएकोले सीमा क्षेत्रमा कडाई र निगरानी गर्न सशस्त्र प्रहरी र जनपथ प्रहरीलाई निर्देशन दिएको छ ।
पर्वको अवसरमा सीमा क्षेत्रबाट लागू औषध लगायतका प्रतिवन्धित समान भित्रिने भएकोले सीमा क्षेत्रमा कडाई गर्न भनिएको उनले बताए । रक्षावन्धनको अवसरमा सम्पूर्णमा शुभकामना समेत उनले व्यक्त गरे । त्यसैगरी कोसी गाउँपालिकाका अध्यक्ष ऐयुव अन्सारीले समेत शुभकामना व्यक्त गरेका छन् । हिन्दु धर्मावलम्बीहरुको रक्षावन्धन पर्वको स्वास्थ्य दीर्घायुको कामना गर्दै सबै धर्म,परम्परा,संस्कार र रितिरीवाजलाई सम्मान गर्न सबैले सिक्नुपर्नेमा उनले जोड दिए ।
आज रक्षा बन्धन तर्थात जनै पूर्णिमा । साउन शुक्ल पूर्णिमाका दिन आज रक्षा बन्धन मनाइँदैछ । रक्षा बन्धन हिन्दु धर्मावलम्बीहरुको पवित्र चाँड हो । प्रत्येक वर्ष तिथिका आधारमा मनाइने यो चाँड प्रत्येक वर्ष महिना, बार र गते फरक–फरक हुने गर्दछ । आजका दिन दिदी बहिनीले दाजुभाइको हातमा पवित्र धागो बाँधेर रक्षाबन्धन मनाउँदै छन् । हिन्दू धर्मका वैदिकग्रन्थअनुसार जनैलाई ब्रह्मसूत्र अर्थात वेदोक्तकर्म सम्पादन गर्न र वेदाध्ययन गर्ने अधिकार प्राप्तिका लागि धारण गर्न मन्त्रिएको धागो भन्ने बुझिन्छ । शिखाहरूमध्ये एउटा जनैका शिखामा रहेका तीन डोरालाई ब्रह्मा, विष्णु र महेश्वर तथा अर्को जनैका शिखामा रहेका तीन डोरालाई कर्म, उपासना र ज्ञानका प्रतिकहरूको योग मानिन्छ । श्रावण शुक्ल पूर्णिमाका अवसरमा हरेक वर्ष यो पर्व मनाउने प्रचालन हरेको छ । यस दिनलाई ऋषि तर्पणीका नामबाट पनि पुज्ने गरिन्छ ।खासगरी तराई भेगमा राखीको बढी प्रचलन रहेको छ । अन्य स्थानमा भने वैदिक सनातन धर्मावलम्बीले नदी, ताल, तलाउ, पोखरीमा गई स्नान गरी गुरु पुरोहितबाट पुजेको डोरो बाँध्ने गर्छन् ।
