इनरुवा । कानुन न्याय तथा संसदीय मामिला मन्त्री ज्ञानेन्द्रबहादुर कार्कीले कृषिलाई व्यवसायिक बनाएर सबैले आर्कषणको केन्द्र बनाउनुपर्नेमा जोड दिएका छन् ।
सुनसरीको भोक्राहा नरसिंहमा सुनसरी मोरङ सिचाई योजना जलउपभोक्ता समन्वय समिति सुखसेना शाखाको आठौं साधारण सभालाई सम्वोधन गर्दै मन्त्री कार्कीले किसानहरुले कृषि क्षेत्रलाई व्यवसायिक बनाएर आर्कषणको केन्द्र बनाउनुपर्ने बताएका हुन् ।
मुलुकमा जलस्रोतको सम्भावना भएको देश भएपनि सही स्वरुपले सिचाईलाई महत्व दिएर अन्नभण्डारको रुपमा परिणत गर्नुपर्ने हो, त्यो परिणत गर्न नसकिरहेको उनले बताए । नेपालमा उपलब्ध जललाई सिचाईमा परिणत गरेर यो क्षेत्रलाई अन्नको भण्डार बनाउनुपर्ने समेत मन्त्री कार्कीले बताउँदै कृषिलाई व्यवसायिक बनाएर सबैको केन्द्रविन्दु बनाएर किसानको हकहितका लागि नेपाल सरकार लाग्ने बताए ।
यस क्षेत्रका युवाहरु कृषि क्षेत्रमा भविष्य नदेखेपछि दिनहुँ वैदेशिक रोजगारीको शिलशिलामा खाडी मुलुक जाने गरेको मन्त्री कार्कीको भनाई छ । कृषि निर्वाहमुखी भएकोले तराई, पहाड,हिमाल र मधेशका युवाहरुको सपना पुरा गर्न नसकेको बताउँदै अप्ठयारो र खतराका लागिका लागि युवाहरु केही रकम कमाउनका लागि विदेशिने गरेको बताए ।
कृषिमा देशको भविष्य छ, उनले भने, ‘युवाहरुको भविष्य कृषि क्षेत्रमा पनि भएकोले रोजगारीको सिर्जना गर्नका लागि कृषि क्षेत्रमा आस्रित हुन आवश्यक रहेको छ । सिचाईको व्यवस्था बाह्रै महिना गर्न नसकेको दुःख व्यक्त गर्दै मन्त्री कार्कीले यसप्रति पनि सरकारको ध्यान पुगेको बताए ।
सुनसरी मोरङ सिचाई योजना जलउपभोक्ता समन्वय समिति सुखसेना शाखाका अध्यक्ष सुकदेव मेहताले उठाएको माग प्रति सकारात्मक रहेको भन्दै मन्त्री कार्कीले सक्दो सहयोग गर्ने प्रतिवद्धता व्यक्त गरेका छन् । सिचाईका लागि पानीको व्यवस्था मिलाउनुपर्ने र समयमा किसानहरुले पानीको राम्रो सुविधा पाए कृषकहरुले धन्नवाली उब्जाएर राम्रो आम्दानी गर्न सक्ने कुरालाई मध्यनजर गर्दै अगाडी बढ्नुपर्ने मन्त्री कार्कीको भनाई छ ।
मन्त्री कार्कीले सुनसरी मोरङ सिचाई योजना जलउपभोक्ता समन्वय समिति सुखसेना शाखा नहरको भोक्राहा नरसिंह गा.पा.वडा नं.२ स्थित अकाहामा नवनिर्मित भवनको उद्घाटन समेत गरेको थियो । जल उपभोक्ता केन्द्रीय समन्वय समिति चतरा मुल नहरका केन्द्रिय अध्यक्ष राम प्रसाद मेहताले सिचाई महासंघले अधिकार बिहिन बनाएको प्रति दुःख व्यक्त गर्दै नियम कानुन बनाई अधिकार सम्पन्न बनाउन राज्यलाई आग्रह गरेका छन् ।
राज्यलाई मौखिक र लिखित रुपमा जानकारी गराउँदा समेत राज्यले कुनै चासो नदिएको अध्यक्ष मेहताले आरोप लगाउँदै किसानसँग शुल्क उठाउन नसकेको उल्टै दबाब सिर्जना गरेको बताए । सिचाई सम्वन्धि ठोस नियम कानुन बनाउनुपर्ने जोड दिदै किसानलाई सहुलियत दिनुपर्नेमा उनले जोड दिए ।
त्यसैगरी संघीय सांसद सीताराम मेहता, कोशी गाउँपालिकाका अध्यक्ष ऐयुब अन्सारी,नेकपा एमाले भोक्राहा नरसिंहका अध्यक्ष रामकुमार मेहता लगायतकाले मनतब्य राखेका थिए । सुनसरी मोरङ सिचाई योजना जलउपभोक्ता समन्वय समिति सुखसेना शाखाको अध्यक्ष सुकदेव मेहताले प्रतिवेदन प्रस्तुत गरेका थिए ।
