इनरुवा । इनरुवा नगरपालिकाको सडक पेटीमा सोलार बत्ति लगाएर सडक उज्यालो पार्ने काम त गरे तर कहाँ उज्यालो छ वा छैन् भन्ने कुरामा कसैको ध्यान गएको छैन् । इनरुवा नगरपालिका–२ भित्र रहेका सोलार बतिहरु बिग्रिएपछि सडकमा अन्ध्यारो भएपछि आवतजावत गर्न सर्वसाधारणहरुलाई समस्या हुन थालेका छन् । सोलार बत्तिहरु बिग्रिएको कारण रातीको समयमा सडक अन्धयारो भएपछि बाटोबाट आवत जावत गर्न समस्या हुन थालेको छ । 
इनरुवा–२को क्लासिक होटल हुँदै बबियासम्म जाने सडकको पेटिमा रहेका सोलार बत्ति ठाउँ ठाउँमा बिग्रिएको छ । रातीको समयमा सोलार बति नबल्दा सर्वसाधारणहरुले अन्ध्यारोमा सास्ती भोग्नु परेको छ । इनरुवा नगरपालिकामा कर्मचारी हुदाँ समेत समयमा मर्मत तथा सम्भार नगरेकोले सोलार बति बिग्रिएको इनरुवा–२ का शिवकुमार पंडितले गुनासो गरे । लामो समयदेखी सोलार बति नबलेकोले यस बाटोबाट रातीको समयमा आवत जावत गर्ने सर्वसाधारणहरुले अन्धयारोमा गर्न बाध्य भएका छन् ।
सोलार बति बिग्रिएको हुदाँ समयमै मर्मत सम्भार गर्न सम्वन्धित निकायले ध्यान दिनुपर्ने इनरुवा–२ का संजय यादवले बताए । क्लासिक होटलदेखी बविया सम्मको सोलार बतिहरु धेरैजसो नबलेको र बलेको पनि झिलिक झिलिक गरेको हुदाँ रातीको समयमा हिड्न ठूलो चुनौती रहेकोले समयमा सोलार बति लगाउनुपर्ने स्थानीयहरुले माग गरेका छन् ।
सर्वसाधारणहरुको लागि सोलार बति लगाए पनि अहिले बिग्रिएको हुदाँ इनरुवा–२ का वडा कार्यालयका जनप्रतिनिधिहरुको पनि ध्यान नगएको वडाबासीहरु बताउँछन् । यता इनरुवा–२ का वडाध्यक्ष सुरेन्द्र प्रसाद यादवले वडा कार्यालयमा सोलार बती बारे कुनै गुनासो नआएकोले केही नगरेको बताए । सुनसरी अनलाइनको कुराकानीमा सोलार बतिको समस्या बारे आफूले नगरपालिकालाई जानकारी गराएर समाधान तर्फ अग्रसर हुने बताए ।
