जापानका प्रधानमन्त्री योशिहिदे सुगाले राजीनामा दिने सङ्केत देखाएका छन् । प्रधानमन्त्री सुगाले फेरि पार्टीको अध्यक्षमा प्रतिस्पर्धा नगर्ने सङ्केत देखाएका हुन् ।
एक वर्षअघि सिञ्जो अबेले राजीनामा दिएपछि सुगा प्रधानमन्त्री बनेका थिए । आफ्नो लोकप्रियतामा ठूलो कमी आएपछि प्रधानमन्त्री सुगाले यस्तो घोषणा गरेका हुन् ।
जापानमा अहिले कोभिडका कारण आपतकालीन अवस्था छ । कोभिडको लहर थामिएजस्तो देखिँदैन । जापानमा अहिले १५ लाखभन्दा धेरै मानिस कोरोनाबाट सङ्क्रमित भइसकेका छन् र खोप लगाउने क्रम पनि सुस्त छ ।
महामारीका बाबजुद ओलम्पिक खेल आयोजना गर्ने निर्णयका कारण पनि सुगाको लोकप्रियता घटेको थियो ।
