हरिनगर । सुनसरीको हरिनगर गाउँपालिकाका अध्यक्ष गफार अंसारीले नेपाली कांग्रेसको १४ औं आसन्न जिल्ला अधिवेशनमा सुनसरी कांग्रेसको उपसभापति पदमा उम्मेदवारी घोषणा गरेका छन् ।
हरिनगर गाउँपालिकाका अध्यक्ष अन्सारीले सम्मान कार्यक्रमलाई सम्वोधन गर्दै जिल्ला अधिवेशनमा सुनसरी कांग्रेसको उपसभापति पदमा उम्मेदवारीको घोषणा गरेका हुन् ।
कांग्रेसको जिल्ला अधिवेशनमा आफू पनि उपसभापतिको उम्मेदवारी दिने तयारी गरेकोले हरिनगरका अध्यक्ष अंसारीले सबैलाई साथ, सहयोग र समर्थन गर्न वडा अधिवेशनबाट नवनिर्वाचित वडा सभापति र क्षेत्रिय प्रतिनिधिहरुलाई आग्रह गरेका छन् ।
नेपाली कांग्रेसको १४ औं महाधिवेशनमा हरिनगर गाउँपालिकाका ७ वटै वडाहरुबाट निर्विरोध निर्वाचित वडा सभापति र क्षेत्र प्रतिनिधिहरुलाई सम्मान गर्दै हरिनगरका अध्यक्ष अंसारीले पार्टीको अधिवेशनमा आफू जिल्ला तहमा उपसभापति पदमा उम्मेदवारीको घोषणा गर्दै सुनसरीका सबै मतदाताहरुलाई सहयोग गर्न अपिल गरेका छन् ।
विकासप्रेमी युवा नेताका रुपमा चिनिएका हरिनगरका अध्यक्ष अंसारीले संघीयता आएपछि नेपाली कांग्रेसबाट टिकट पाएर हरिनगर गाउँपालिकाको अध्यक्ष पद सम्हालेको चार वर्ष पुरा पाँचौं वर्षमा प्रवेश गर्दा विकासको गतिलाई अघि बढाउन अहम भूमिका खेलेका उनको कथन छ ।
कुनै गुट उपगुटबाट सुनसरी कांग्रेसको उपसभापति पदमा उम्मेदवारी नदिई सिंगो नेपाली कांग्रेसबाट जिल्लाको उपसभापति पदमा उम्मेदवारी अघि सारेको उनले बताए । गुट उपगुटको राजनितिले जनताको भरोसालाई पुरा गर्न नसकिने बताउँदै हरिनगरका अध्यक्ष अंसारीले चारतारेको मुनि रहेर कांग्रेस संगठनलाई बलियो बनाउनका लागि आफू नेतृत्व आउन चाहेको बताए ।
हरिनगर गाउँपालिका अन्तरगत रहेको ७ वटै वडामा निर्विरोध निर्वाचित गराउन सफल भएका युवा नेता अंसारीले हरिनगर गाउँपालिकाको नेतृत्व चयन गर्नका लागि आपसी सहमति, सहकार्य र एकताबाट पालिकामा नेतृत्व चुनिने समेत उनले बताए ।
जनताको आशा र भरोसालाई सदैव कायम राख्दै अगाडी बढेका नेता अन्सारीले नेपाली कांग्रेसमा आवद्ध भएका र मेरा शुभचिन्तकहरुको सहयोगमा सहमतिबाटै उपसभापति पदमा निर्विरोध हुनेमा आफु विश्वस्त रहेको बताए ।
हरिनगरका अध्यक्ष अंसारीले विपक्षीहरुले पालिकामा नेतृत्व गर्न खोज्ने व्यक्तिहरुलाई उस्काउने गरेकोले उनीहरुबाट सर्तक रहन समेत अनुरोध गरेका छन् ।
सहमतिबाटै हरिनगर गाउँपालिकाको नेतृत्व चयन भदौ २७ गते गर्ने दाबी गर्दै अध्यक्ष अंसारीले विपक्षीहरु चुनावको बेला सलबलाउन थालेको आरोप लगाउँदै कसैको दवाव र प्रभावमा नपर्न उम्मेदवारहरुलाई समेत सुझाएका थिए ।
