हरिनगर । प्रदेश नम्बर–१ मा प्रदेश सांसद हाजी ताहिर अंसारीले आगामी भदौं २७ गते हुने हरिनगर गाउँपालिकाको अधिवेशनमा सहमतिमा नै नेतृत्व चयन हुने बताएका छन् ।
हरिनगर गाउँपालिकाका ७ वटै वडाहरुबाट निर्विरोध निर्वाचित वडा सभापति र क्षेत्र प्रतिनिधिहरुको सम्मान कार्यक्रमलाई सम्वोधन गर्दै प्रदेश सांसद हाजी ताहिर अंसारीले वडा अधिवेशन निर्विरोध भएजस्तै हरिनगर गाउँपालिकाको नेतत्व चयन सहमतिमा हुनु पर्नेमा जोड दिएका छन् ।
हरिनगर गा.पा.का अध्यक्ष गफार अंसारीले आयोजना गरेको सम्मान कार्यक्रममा प्रमुख अतिथि समेत रहेका प्रदेश सांसद हाजी अंसारीले एक हजार भन्दा बढी नेपाली कांग्रेसको क्रियाशिल सदस्यहरुको भूमिकाबाट हरिनगर गाउँपालिकाको सबै वडामा सर्वसम्मतबाट नेतृत्व चयनले हाम्रो शिरलाई ठाँडो बनाउने कामबाट आफू गर्भान्वित ठानेकोले हरिनगर गाउँपालिकाको सबै पदमा सर्वसहमतिबाट नेतृत्व चयन हुनेमा आफु विश्वस्त रहेको बताए ।
सो कार्यक्रममा १०८ औं विपी जयन्तीलाई समेत सम्झदै विपीको सपनाहरु साकार पार्न हरेक कार्यकर्ताहरुले समाजवाद तर्फ उन्मुख हुनु आजको अपरिर्हायता रहेको बताएका थिए । सो कार्यक्रममा नेपाली काँग्रेस महासमिति सदस्य परमान्द मेहता , रमानन्द पण्डित , हरिनगर काँग्रेसका वर्तमान सभापति शिवहरि श्रेष्ठ , जिल्ला सदस्य भिखारी मण्डल , क्षेत्रीय प्रतिनिधिहरु समिम अन्सारी , सुमित्रा मेहता ,सुदिलाल मेहता , राजेश पाल , दाउद अंसारी , नसिर खाँ , रमेश मेहता , २ नं.वडाका उपसभापति अकिल अंसारी , १ नं.वडाका सभापति अब्दुल लतिफ अंसारी ,जिल्ला समन्वय समितिका सदस्य तथा क्षेत्रिय प्रतिनिधि नुनु अन्सारी लगायतका बक्ताहरुले वडा अधिवेशनमा सर्वसहमतबाट नेतृत्व चयन भएको एतिहासिक रहेकाले अबको हरिनगर गाउँपालिका काँग्रेसको सभापति लगायत सम्पुर्ण पदहरुमा पनि सर्वसहमतबाटै नेतृत्व चयन हुनु पर्नेमा जोड दिएका थिए ।
