इनरुरवा । सुनसरीको कोशी गाउँपालिका–३ जमुवा नहर चौकमा एम एण्ड एन रेष्टुरेण्ट शुक्रवारदेखी संचालनमा आएको छ ।
हितायत ऐजुकेशनल एण्ड वेलफेयर ट्रष्ट इनरुवाको आयआर्जनका लागि व्यवसायिक विकास योजना कार्यक्रम अन्तरगत कोशी गाउँपालिका–३ की हजरुल खातुनलाई एम एण्ड एन रेष्टुरेण्ट संचालनका लागि दुई लाख १८ हजार १ सय ८० रुपैया बराबरको समाग्री हस्तान्तरण गरेको छ ।
हितायत ऐजुकेशनल एण्ड वेलफेयर ट्रष्ट इनरुवाको आयोजना र कतार च्यारेटीको सहयोगमा एम एण्ड एन रेष्टुरेण्टको कोशी गाउँपालिकाका अध्यक्ष ऐयुब अन्सारीले उद्घाटन गरेका थिए ।
कोशी गाउँपालिकाका अध्यक्ष ऐयुव अन्सारीले आयोजक र सहयोगी संस्थालाई धन्यवाद व्यक्त गरेका थिए । कोशीका अध्यक्ष अन्सारीले उद्घाटन कार्यक्रमलाई सम्वोधन गर्दै रेष्टुरेण्टबाट आएको आम्दानीबाट घरपरिवार चलाउन सजिलो भएको बताउँदै जीविकोपार्जन गर्नका लागि कठिनाई हटेर जाने बताए । कोशीमा पनि अति विपन्न तथा गरीव परिवारलाई छनौट गरेर आर्थिक सहयोग सहित आवश्यक समाग्री प्रदान गरेकोले अगामी दिनमा बन्द नगरी निरन्तरता दिन पनि अनुरोध गरेका थिए ।
हितायत ऐजुकेशनल एण्ड वेलफेयर ट्रष्ट इनरुवाले रेष्टुरेण्ट संचालनका लागि भाडावर्तन र ग्याँस चुल्हा सेट ४० हजार ६ सय, खाधन्न समाग्री ५८ हजार ३ सय ७०, फर्निचर सहयोग ४१ हजार ५ सय, चिसो पदार्थ १० हजार ३ सय ५०, बोर्ड मिडियामा ६ हजार ५ सय , पसल भाडा ६ महिनाको १८ हजार , १६ हजार ५ सय नगद आर्थिक सहयोग गरी २ लाख १८ हजार १ सय ८० रुपैयाँ बराबरको सहयोग प्रदान गरेको कार्यक्रम संयोजक हजरत हुसैनले जानकारी दिए ।
कोशी–३ की हजरुल खातुन आर्थिक अवस्था कमजोर भएकाले आयआर्जनका गर्नका लागि बिभिन्न समाग्री प्रदान गरेर रेष्टुरेण्ट खोल्न प्रोत्साहन गरेको कार्यक्रम संयोजक हुसैनले बताए ।
गरिव तथा अति विपन्न भएकी खातुनलाई कोशी–३को जमुवा नजर चौकमा राम्रो सुविधा भएको रेष्टुरेण्ट नभएकाले जीवीकोपार्जन गर्नका लागि आर्थिक सहयोग सहित आवश्यक समाग्री उपलब्ध गराएको उनले बताए ।
हितायत ऐजुकेशनल एण्ड वेलफेयर ट्रष्ट इनरुवाका अध्यक्ष मौलाना हारुण खाँले यस संस्थाले आयआर्जनका लागि व्यवसायिक विकास परियोजना कार्यक्रम अन्तरगत सुनसरीको विभिन्न पालिकाहरुमा अति विपन्न परिवारलाई आयस्तर बृद्धि गर्नका लागि सहयोग गरेको बताए ।
कोशी–३ की हजरुल खातुनलाई पनि दुई लाख भन्दा बढीको आवश्यक समाग्री प्रदान गरी रेष्टुरेण्ट संचालनमा ल्याउनका सहयोग गरेको बताउँदै मौलाना हारुण खाँले रेष्टुरेण्टबाट लाभ लिई आर्थिक संकटबाट जोगिनका लागि केही मदत पुग्ने बताए ।
