टोमराज मेहता
इनरुवा । गत भदौं २१ गते सम्पन्न वडा अधिवेशनमा इनरुवा नगरपालिका–२ को वडा कार्यसमिति सहित क्षेत्र प्रतिनिधिहरु निर्विरोध निर्वाचित भएपछि नेपाली कांग्रेसका नगर सभापति राजन मेहताद्वारा सम्मान गरिएको छ ।
नेपाली कांग्रेस जिल्ला पार्टी कार्यालय इनरुवा सुनसरीमा आयोजित सम्मान तथा पदस्थापना कार्यक्रममा इनरुवा–२ को वडा सभापति सहित सबै क्षेत्र प्रतिनिधिहरुलाई एक कार्यक्रमबीच सम्मान गरिएको हो ।
सम्मान तथा पदस्थापना कार्यक्रममा नवनिर्वाचित इनरुवा–२ का वडा कार्यसमितिका पदाधिकारीहरु र क्षेत्र प्रतिनिधिहरुले नेपाली कांग्रेस इनरुवा नगर सभापतिमा पुनः पद सम्हाल्न सुझाव दिएका थिए ।
कार्यक्रममा सहभागि भएका नवनिर्वाचित पदाधिकारीहरुले नगरको नेतृत्व सम्हाल्न एक पटक पुनः आउनुपर्ने माग राखेका छन् । नवनिर्वाचितहरुले इनरुवा–२ बाट साथ, सहयोग र समर्थन रहेकोले निर्धक्क भएर नगर सभापति पदमा आउनुपर्नेमा जोड दिएका थिए ।
इनरुवा–२ को वडा सभापति बादल साहको नेतृत्वमा २७ जनाको कार्यसमितिले नगरको पिता राजन मेहताले एक पटक पार्टीको जिम्मेवारी सम्हाल्न आवश्यक रहेको उनीहरुले जोड दिएका थिए ।
इनरुवा–२ का वडा कार्यसमितिका २७ जना र क्षेत्र प्रतिनिधिमा ७६ जनालाई सम्मान गरिएको छ । वडा कार्यसमितिका सभापति भुपेन्द्रसिंह यादवले नवनिर्वाचित वडा सभापति बादल साहलाई र सचिव सन्तोष कुमारले नवनिर्वाचित सचिवद्धोय बादल साह र शिवकुमार यादवलाई पद हस्तान्तरण गरेका थिए ।
सम्मान तथा पदस्थापना कार्यक्रमलाई सम्वोधन गर्दै नेपाली कांग्रेस इनरुवाका सभापति राजन मेहताले सबैको समर्थनलाई कदर गर्दै अगामि असोज ९ गते हुने नगर अधिवेशनमा आफू नगर सभापति उम्मेदवारीबाट पछि नहटने प्रतिवद्धता व्यक्त गरेका छन् ।
इनरुवा नगरपालिकाका नगर प्रमुख समेत रहेका मेहताले लोकतन्त्रको सुन्दरता चुनाव भएकोले प्रतिनिधि छनौट सहमतिबाट हुन नसके आफु नगरबाट चुनिएका वडा सभापति र क्षेत्र प्रतिनिधिहरुको आग्रहमा नगर सभापतिमा चुनावको प्रक्रियाबाट नै अगाडी बढ्ने बताए ।
इनरुवा–२ मुलुकमै बढी क्रियाशिल सदस्य भएको ऐतिहासिक वडा भएकोले यस वडाबाट समर्थनले मेरो होसललाई थप मजबुत बनाएको उनले बताए । उनले भने,‘ घरको जग बलियो भएमात्र म बलियो हुनेछु । त्यसैले इनरुवा–२ को साथ, सहयोग र समर्थनले चुनौतीलाई चिर्दै अगाडी बढनेछु ।
इनरुवा नगर क्षेत्रमा सबै वडामा युवाहरुको नेतृत्व ल्याउन सफल भएको बताउँदै उनले अगामी नगर अधिवेशनमा आफुलाई पनि सहयोग गर्न अनुरोध गरेका थिए ।आफुमाथि चुनावी अभियन्ताहरुले षडयन्त्र रचेर विरोध गर्दै हिडिरहेकाले आपूm सर्तक र सजग भएर सबैको सदभाव र मायाको खाँचो रहेको समेत उनले बताए । इनरुवा–२ का वडा सभापति बादल साहको अध्यक्षतामा कार्यक्रम सम्पन्न भएको थियो । कार्यक्रममा प्रदेश–१ की सांसद ज्योती सुब्बा, जगदिश मेहता, भूपेन्द्रसिंह,चिरञ्जीवी बस्नेत, मोहन मेहता, महिचन्द्र साह लगायतकाले शुभकामना व्यक्त गरेका थिए भने नेपाली कांग्रेसका युवा नेता धिरज भट्टराईले स्वागत मनतब्य व्यक्त गरेका थिए ।
