हरिनगर । सुनसरीको हरिनगर गाउँपालिका स्तरीय बक्तृत्वकला प्रतियोगिता मंगलवार सम्पन्न भएको छ । साझा सवालका लागि साझा मंच (कोकन) इनरुवाको आयोजना र प्लान इन्टरनेशनलको सहयोग तथा हरिनगर गाउँपालिकाको सहकार्य एकदिने बक्तृत्वकला प्रतियोगिता सम्पन्न भएको हो ।
हरिनगर गाउँपालिका स्तरीय बक्तृत्वकला प्रतियोगितामा हरिनगर माविकी निर्मा कुमारी मेहता प्रथम भएकी छिन । बालकृष्ण माविकी सुरैया खातुन दोश्रो, बासुदेव एकेडेमीको राजेश यादव तेस्रो भएका छन् । हिलाल पब्लिक माविका भएको आयोजकले जनाएको छ । राष्ट्रिय बाल दिवसको अवसरमा कोभिड १९ को कारणले बालबालिकाको सिकाईमा परेको प्रभाव बारेका आ–आफ्ना धारणा राखेका थिए ।
वक्तृत्व कला प्रतियोगितामा हरिनगर गाउँपालिकाका हरिनगर मावि, बालकृष्ण मावि, जनता मावि, बासुदेव ऐकेडेमी, होली लाइफ पब्लिक स्कुल, हिलाल पब्लिक मावि, श्री बसन्तपुर माविका १० जना बालबालिकाहरुको सहभागिता भएका थिए भने दुई वटा विद्यालयको अनुपस्थित रहेको थियो ।
