सुनसरी । भोक्राहा गाउँपालिका सुनसरीका प्रमुख प्रशासकीय अधिकृत राम चरित्र मेहताको नियमित सरुवा भइ सक्दा पनि नयाँ आउने अधिकृतको हाजरी रोकथामले किचलो उत्पन्न भएका छन् ।
तत्कालीन नेपाल कम्युनिष्ट पार्टीका ओली सरकारको पालामा बर्जु गाउँपालिका सुनसरीबाट मन्त्रालयमा तानिएका प्रमुख प्रशासकीय अधिकृत रामचरित्र मेहतालाई स्थानीय नेकपाका नेताहरुको सिफारिशमा नै भोक्राहा गाउँपालिकाका लागि सरुवा भइ आएको जानकारहरु बताएका छन् ।
नेपाल सरकारको संघिय मामिला तथा समान्य प्रशासन मन्त्रालयको च.नं.१२५ मिति ू०७८÷०५÷२३ गतेको निर्णय अनुसार धनपालथान गाउँपालिका ,मोरँगमा सरुवा भएका हुन भने उनको ठाँउमा मनोज कुमार साह (कर्मचारी संकेत नं. २१३१५१) सरुवा भई आएता पनि मन्त्रालयकै मौखिक आदेशमा तत्काल हाजिर नहुनु भनि आएको आदेशानुसार नवआगन्तुक प्रमुख प्रशासकीय अधिकृत हाजिर हुनबाट पछाडी हटेका एक विश्वस्त सुत्रले सुरसेर दैनिकलाई जानकारी दिए।
भोक्राहा गाउँपालिका सुनसरीले भदौ २८ गते स्वागत तथा पदभार कार्यक्रमको आयोजना गरि नवआगन्तुक प्रमुख प्रशासकीय अधिकृत साहको स्वागत गर्दै पदभार ग्रहण गर्न हाजरी किताबमा दस्तखत गराउनै लाग्दा माथिको आदेश आए पछि पदभार ग्रहण तथा हाजरी दस्तखत बिथोलिएको प्रत्यक्षदर्शीहरुले बताएका छन् । यस सम्बन्धमा भोक्राहा गाउँपालिकाका का.वा. अध्यक्ष पुनम कुमारी मेहता सँग मोबाइलमा प्रतिकृया बुझदा उनले मलाई केही थाहा नभएको बताउँदै मोबाइल कल विच्छेद गरेकी थिइन् ।
भोक्राहा गाउँपालिकाको प्रमुख प्रशासकीय अधिकृतको सरुवा किचलोको कारण प्रमुख प्रशासकीय अधिकृत विहिन बन्न पुगेकोले भोक्राहा नरसिंह गाउँपालिकाका जनताहरु दैनिकी कामकाजबाट बन्चित हुनु परेकाले यथासिघ्र समस्याको समाधानका लागि सरोकारवालाले ध्यान दिनु पर्ने बताएका छन् । सरकारी कर्मचारीलाई काँखी च्यापेर आफनो स्वार्थपुर्ति गर्नका लागि प्रमुख प्रशासकीय अधिकृत रामचरित्र मेहताको सरुवालाई यथावत राख्नका लागि सत्तापक्षकै उच्च पहुँच भएका नेताहरुले पहल गरि रहेको सवत्र चर्चाको बिषय बनेको स्थानीयहरु बताउँछन् ।
