सुनसरी । ३० वर्षको पत्रकारिता क्षेत्रमा समर्पित राष्ट्र, राष्ट्रियता, लोकतन्त्र र समाजवादको हमेशा पक्षधर रहि जनताको आवाजलाई बुलन्द पार्दै आएका पुराना वरिष्ठ पत्रकार ताविल अंसारी आफनै घर नेपाली काँग्रसमा फर्किएका छन् ।
सुनसरी क्षेत्र नं. ४ का संघीय सांसद तथा वर्तमान नेपाली काँग्रेसका सभापति शेरबहादुर देउवाको गठबन्धन सरकारका प्रभावशाली नेता एवं कानुन, न्याय तथा संसदीय मामिला मन्त्री ज्ञानेन्द्र बहादुर कार्कीले आयोजना गरेको नव निर्वाचित नेपाली काँग्रेसका वडा सभापति, क्षेत्रिय प्रतिनिधिहरुको सम्मान कार्यक्रममा वरिष्ठ पत्रकार ताविल अंसारी पुरानै घर नेपाली काँग्रेसमा फर्केका हुन ।
सुनसरी क्षेत्र नं. ४का सभापति अयुब अंसारीको सभापतित्वमा सम्पन्न सो कार्यक्रममा पुरानै घर नेपाली काँग्रेसमा फर्केका सुरसेर राष्ट्रिय दैनिक पत्रिकाका प्रकाशक÷प्रधान सम्पादक समेत रहेका वरिष्ठ पत्रकार ताविल अंसारीलाई कार्यक्रमका प्रमुख अतिथि कानुनमन्त्री ज्ञानेन्द्र बहादुर कार्की, विशिष्ट अतिथि सुनसरी सभापति तथा प्रदेश नं.१ का विपक्षी दलका नेता राजीव कोइराला, क्षेत्रीय सभापति अयुब अंसारी , हरिनगर गाउँपालिकाका अध्यक्ष गफार अंसारी लगायतका नेताहरुले खादा ओढाएर अबिर लगाई स्वागत गरेका थिए ।
नेपालको संविधान, संघियता , गणतन्त्र र लोकतन्त्र प्रति चौतर्फी आक्रमण भई रहेको बेला लोकतन्त्रको रक्षाका लागि हमेशा पहरेदारको रुपमा अग्रनी भुमिका खेल्दै आएको नेपाली काँग्रेसलाई आत्मसात गर्दै एक चेतनशिल व्यक्ति कहिले पनि विश्राममा रहन सक्दैन अगाडी आउनै पर्छ जिम्मेवारी र कर्तव्यनिष्ठ बोध भएर नै आफु राजनिति सकृयताका साथ पुरानै घरमा फर्केको युवा नेता ताविल अंसारीले प्रतिकृया दिएका छन् ।
२०४६ सालमा अध्ययनकै सिलसिलामा राजविराज सप्तरीको महेन्द्र बिन्देश्वरी बहुमुखि क्याम्पस, विज्ञान संकायको नेपाल विद्यार्थी संघको सदस्य भएर जनआन्दोलमा समेत सहभागि भई राजनिति यात्रा शुरु गरेका पत्रकार अंसारी २०५४ सालमा नेपाली काँग्रेसको कृयाशिल सदस्य बनेका थिए । उनी नेपाल तरुण दलको महाधिवेशन प्रतिनिधि तथा तत्कालीन सुनसरी क्षेत्र नं.५ का क्षेत्रिय संयोजक, नेपाली काँग्रेस गाउँ इकाइका सचिव समेत रहि संगठनमा काम गरि सकेका छन् भने पहिलो संविधान सभाको निर्वाचनमा नेपाली काँग्रेसका उम्मेदवार सुजाता कोइरालाको विरुद्ध बागी उम्मेदवार बनेका अन्सारीलाई पार्टीले कारबाही गरे पछि उनी राजनीतिबाट निस्कृय रहेका थिए ।
पत्रकारितालाई नै अगाडी राखेर प्रेस संगठनको प्रदेश सदस्य समेत रही काम गर्दै आइ रहेका अंसारी नेपाली काँग्रेसमा तपाँई जस्तो अनुभवि, लगनशिल कार्यकर्ताको खाँचो छ पुरानै घर फर्किदिनुस् भनि हरिनगर गाउँपालिकाका अध्यक्ष गफार अंसारीको विशेष पहलमा अंसारी पुरानै घर नेपाली काँग्रेसमा फर्किएको बुझिन आएको छ ।
