नसीम अन्सारी
इनरुवा । सुनसरीको कोशी गाउँपालिका–१ लौकहीमा आयोजित स्वागत तथा सम्मान कार्यक्रम १ सय ७४ जना महिलाहरु एकसाथ विभिन्न पार्टी परित्याग गरी नेपाली कांग्रेसमा प्रवेश गरेका छन् ।
कोशी गाउँपालिकाका १ सय ७४ जना महिलाहरु नेकपा एमाले सहित विभिन्न पार्टी परित्याग गरी एकसाथ नेपाली कांग्रेसमा प्रवेश गरेका हुन् ।
स्वागत तथा सम्मान कार्यक्रमका प्रमुख अथिति नेपाली काँग्रेस केन्द्रीय सदस्य एवम् कानुन न्याय तथा संसदीय मामिला मन्त्री तथा सरकारका प्रवक्ता ज्ञानेन्द्र बाहादुर कार्कीले १ सय ७४ जना नवप्रवेशीहरुलाई खादा र टिका लगाएर कांग्रेसमा स्वागत गरेका छन् ।
कोशी गाउँपालिकामा नेपाली काँग्रेसप्रति महिलाहरुको क्रेज बढिरहेका छन् ।
कोशी गाउँपालिकाका अध्यक्ष ऐयुब अन्सारी र सुनसरी क्षेत्र नम्बर–४ का प्रतिनिधि सभा सदस्य एव कानुन न्याय तथा संसदीय मामिला मन्त्री ज्ञानेन्द्रबहादुर कार्कीले जनताको आशा र अपेक्षालाई पुरा गर्ने कार्यलाई निरन्तरता दिएकोले कांग्रेसमा महिलाहरुको क्रेज बढ्दै गएको स्थानीय नेताहरु बताउँछन् ।
विकासको गतिलाई तिब्रता दिएको र महिलाहरुको भावनालाई कदर गरेको हुदाँ उनीहरुले नेपाली कांग्रेसलाई रोजेर प्रवेश गरेको नेपाली कांग्रेस सुनसरी क्षेत्र नम्बर–४ का क्षेत्रीय सभापति ऐयुव अन्सारीले जानकारी दिए । नेपाली कांग्रेस सबै जातजातिको पार्टी भएको र मुलुकको निकास दिने लोकतान्त्रिक पार्टीको भएकोले एकसाथ कांग्रेसमा प्रवेश गरेको नवप्रवेशी तथा महिला नेतृ चन्द्रकला नेपालले बताईन ।
महिला नेतृ चन्द्रकला नेपालको नेतृत्वमा ९५ जना र कविता मण्डलको नेतृत्वमा ७९ जना महिलाहरु नेपाली काग्रेंसमा प्रवेश गरेकी हुन् ।
नवप्रवेशीहरुलाई मन्त्री कार्की, नेपाली काँग्रेस सुनसरीका सभापति एवं प्रदेश १ का संसदीय दलका नेता राजिव कोइराला , सुनसरी क्षेत्र नम्बर ४ का सभापति तथा कोशी गाउँपालिकाका अध्यक्ष ऐयुव अन्सारी र हरिनगर गाउँपालिकाका अध्यक्ष गफार अन्सारीले टिका, माला तथा खादाँ लगाएर स्वागत गरेका थिए ।
कार्यक्रममा प्रमुख अथिति कानुन न्याय तथा संसदीय मामिला मन्त्री ज्ञानेन्द्रबहादुर कार्की, विशिष्ट अथितिहरु नेपाली काँग्रेस सुनसरीका सभापति एवं प्रदेश १ का संसदीय दलका नेता राजिव कोइराला, इनरुवा नगरपालिका का प्रमुख राजन मेहता र हरिनगर गाउँपालिकाका अध्यक्ष गफार अन्सारी, अथितिहरु संजय श्रेष्ठ, केदार भण्डारी,पंकज महतो,जमिल आजाद हुसेन, सदान मण्डल , हारुन अन्सारी, परमानन्द मेहता, हाजी इसराईल मंसुरी, उपेन्द्र कटुवाल, अनिता देवी यादव र विजया कटुवाल लगायतको उपस्थिती रहेको थियो ।
कार्यक्रममा प्रमुख अथिती,विशेष अथिति र अथितिहरुले नेपाली काँग्रेसका १४ औं महाअधिवेशनको सन्दर्भमा सहमति,सहकार्य र एकता गरि नेतृत्व चयन गर्नुपर्ने धारणा राख्दै पार्टी भित्र कुनै किसिमको गुट र उपगुट नगरि सिंगो नेपाली काँग्रेस भएर नेतृत्व चयन गर्ने सुझाव दिएका थिए ।
