गणेश यादव
इनरुवा । निजी तथा आवासीउ विद्यालय अर्गनाइजेशन नेपाल(प्याब्सन) इनरुवा नगर कार्यसमितिको अध्यक्षमा रमेश प्रसाद गुरागाई सर्वसहमिबाट चयन भएका छन् ।
इनरुवामा निजी तथा आवासीय विद्यालय अर्गनाइजेशन नेपाल (प्याब्सन) नगर कार्यसमितिको दोस्रो ऐतिहासिक नगर अधिवेशनबाट गुरागाईको नेतृत्वमा ७ सदस्यीय समिति चयन भएका हुन् ।
इनरुवा नगर प्याब्सनको सचिवमा गंगाराम मण्डल, कोषाध्यक्ष लुक नारायण मेहता चयन भएका छन् । त्यसैगरी सदस्यहरुमा सन्तोष भट्टराई, अस्फाक आलम, हरिशरण साह र करुणा श्रेष्ठ चयन भएको इनरुवा नगर कार्यसमितिले जनाएको छ । इनरुवा–३ स्थित जनक स्मृती माध्यमिक विद्यालयमा प्याब्सनको दोश्रो नगर अधिवेशन शनिवार सम्पन्न भएको हो ।
कार्यक्रममा प्रमुख अतिथि केन्द्रिय प्याब्सन सल्लाहाकार श्री शंकर थापा, दुहबी प्याब्सनका निवर्तमान अध्यक्ष खगेन्द्र पोखरेल लगायतका अतिथिहरुले शुभकामना मन्तव्य राखेका थिए ।
कार्यक्रमका प्रमुख अतिथि केन्द्रिय प्याब्सन सल्लाहाकार श्री शंकर थापा,विषेश अतिथि अनुप योन्जन तामाङ,थानेश्वर ढकाल ,रमेश कार्की,बिजय राई,दिपक कार्की,राजारमा मेहता लगायतको सहभागी रहेको थियो । त्यसैगरी शशी कोइराला,प्रमोद यादव,अमर काफ्ले,राजेन्द्र पोखरेल,अजित झा, निश्चल शर्मा,सुमित गुराँगाईँ,गनेश यादव लगायत पत्रकारहरुको पनि सहभागिता रहेको थियो ।
इनरुवामा निजी तथा आवासीय विद्यालय अर्गनाइजेशन नेपाल(प्याब्सन) नगर कार्यसमितीका सचिवले वार्षिक प्रतिवेन प्रस्तुत गरेका थिए । नगर सचिवद्वारा प्रस्तुत प्रतिवेदनमा इनरुवा नगर प्याब्सनलाई तीन लाख बराबरको सहयोग पाएको उल्लेख गरिएको छ । इनरुवा नगरका प्याब्सनका अध्यक्ष मनोज यादवको अध्यक्षतामा कार्यक्रम सम्पन्न भएको थियो ।
