सुबिन विश्वकर्मा (सुनसरी) यतिबेला राष्ट्रिय प्रजातन्त्र पार्टी (राप्रपा) महाधिवेशनको संघारमा छ ।
केन्द्रिय अधिवेशन नजिकिदै गर्दा धमाधम पालिका, क्षेत्र तथा जिल्ला अधिवेशन भइरहेको देखिन्छ । यसैबीच गत बिहिवार भएको सुनसरी प्रतिनिधिसभा क्षेत्र नम्बर १, प्रदेशसभा १’क’ र १’ख’ तथा धरान उपमहानगरको संयुक्त अधिवेशनमा दलित समुदायको उल्लेख प्रतिनिधित्व पाइएको छ ।
राप्रपा केन्द्रिय कार्यसम्पादन समिति सदस्य रामकुमार सुब्बाको प्रमुख आतिथ्यमा भएको अधिवेशनमा धरान नगर, प्रदेशसभा १ ‘क’, १’ख’ र प्रतिनिधिसभा १ क्रमशः २०, २१, २१ र १९ सदस्यीय समिति गठन गरेको छ । प्रदेशसभा १’क’ अध्यक्ष जुद्द लोहनीसहित विभिन्न समितिमा १८ प्रतिशत दलित अटाएको जनाइएको छ । पार्टीको केन्द्रीय अबस्थालाई हेर्ने हो भने समावेशी प्रणाली अबलम्बन गरेको देखिँदैन ।
त्यसको ज्वलन्त उदाहरणको रूपमा राप्रपाले भर्खरै गठन गरेको केन्द्रिय कार्यसम्पादन समितिलाई लिन सकिन्छ । तल्लो तहमा चाहिँ प्रतिनिधित्व हुँदै छ, यसले कसरी काम गर्छ त ? नवनिर्वाचित अध्यक्ष लोहनी भन्छन्, ‘हामी पार्टीभित्र अन्तरविरोध गर्दै समावेशीतालाई अंगाल्ने यात्रामा छौ ।
‘ त्यस्तै, गत उपनिर्वाचन धरानमा मेयर पदका उम्मेदवार रोशन विश्वकर्मा ‘दर्नाल’ गत अधिवेशनबाट नगरकार्यसमितिको उपाध्यक्षमा चयन भएका छन् । उनले आफ्नो समुदायका लागि धरान नगरसमितिले अधिकार सुनिश्चितता गर्ने प्रष्ट पारे ।
