इनरुवा । नेपाली कांग्रेस इनरुवा नगर कार्य समितिको १४ औं नगर अधिवेशनका लागि इनरुवाकी महिला नेतृ बिनिता दाहालले उपसभापति पदमा उम्मेदवारी घोषणा गरेकी छिन् ।
आइतवार दाहालले पत्रकार सम्मेलनको आयोजना गरी नेपाली कांग्रेस इनरुवा नगर उपसभापति पदमा उम्मेदवारी घोषणा गरेकी हुन् । लामो समयदेखि मानव अधिकार क्षेत्रमा वकालत गर्दै आएकी दाहालले १४ औं नगर अधिवेशनमा नगर उपसभापति पदमा उम्मेदवारी घोषणा गर्दै राजनीतिमा महिलाहरुलाई सक्रिय बनाउन आपूmले उम्मेदवारी दिएको बताइन् ।
महिलाहरुको सहभागिता र समावेशीताका लागि नेपाली कांग्रेसमा महिलाहरुलाई पनि अवसर प्रदान गर्नका लागि आफुले आवाज उठाउने प्रतिवद्धता समेत उनले व्यक्त गरेकी छिन् । महिलाको प्रतिनिधित्व इनरुवा नगर कार्यसमितिमा हुनुपर्ने र नगर क्षेत्रको महिलाहरुको अधिकार सुनिश्चितता, महिलाहरुको संगठन निर्माण, नेपाली राजनीतिमा महिलाको सक्रियताका लागि आपूmले काम गर्ने भएकोले नगरमा अवसर प्रदान गर्नका लागि अग्रज नेता, वडा सभापति र क्षेत्रिय प्रतिनिधिहरुलाई अनुरोध समेत गरेकी छिन् ।
