हरिनगर । जनता समाजवादी पार्टी नेपाल हरिनगर गाउँपालिका वडा नम्बर–४ को अध्यक्षमा देवनारायण (डीएन) मेहताको नेतृत्वमा ५३ जनाको कार्यसमिति चयन भएको छ ।
जनता समाजवादी पार्टी नेपालको संगठन सुदृढिकरण तथा जनजागरण अभियान अन्तरगत हरिनगर गाउँपालिका वडा नम्बर–४ मा सर्वसहमतिबाट देवनारायण मेहताको नेतृत्वमा ५३ जना कार्य समिति चयन भएको हो ।
उपाध्यक्षमा लखन महतो र कमलेश झा, सचिव सुनिल कुमार साह, सहसचिव गौरव मेहता कोषाध्यक्ष चन्द्रावति राम चयन भएका हुन । त्यसैगरी सदस्यहरुमा इरसाद आलम, रोजित अन्सारी, शोभालाल महतो, रौदी महतो, महानन्द पंडित, महेशलाल महतो, भोला मेहता, श्यामदेव मेहता, सुरेन्द्र महतो, सिताराम पाल, रामचन्द्र ठाकुर, इन्द्रजित पाल, श्रीमैन महतो, महानन्द मेहता, प्रमोद पाल, सुकदेव मेहता लगायतका चयन भएको जसपा हरिनगरले जनाएको छ ।
यसअघि हरिनगर–४ का देवनारायण मेहता नेकपा एमालेमा प्रवेश गरेका थिए । त्यसपछि पुनः जसपामा प्रवेश भएको नाम सार्वजनिक गरेपछि मेहताले पत्रकार सम्मेलनको आयोजना गरेर जसपामा प्रवेश नगरेको स्पष्ट पारेका थिए । केही महिना नबित्दै फेरी जसपा हरिनगर–४ को अध्यक्ष पदमा नेतृत्व गरेका छन् । जसपा पार्टीको संगठनलाई बलियो बनाउनका लागि पुनः पुरानै घर फर्किएर जनताको सेवामा समर्पित हुने अध्यक्ष मेहताले प्रतिवद्धता समेत व्यक्त गरेका छन् ।
अभियान अन्तर्गत निर्वाचन क्षेत्र नम्बर ४ ख को संयोजक मनोज यादवको अध्यक्षता र निर्वाचन क्षेत्र नं ४ को संयोजक हरिगोविन्द यादबको प्रमुख आतिथ्य र केन्द्र सदस्य खालिद हुसैन हक ,केन्द्रीय सदस्य उमेश थापा , प्रदेश–१ का नेता राकेश मेहता, मधेश राष्ट्रिय समिति सदस्य श्याम नारायण खेरवार र जिल्ला अध्यक्ष भगीरथ खत्वे ,जिल्ला उपाध्यक्ष रघुनाथ मेहता ,सहसचिव अभिनन्द यादव, हरिनगर गापाका अध्यक्ष धर्मवीर आर्य लगायतको सहभागिता रहेको थियो ।
